‘Diluvium’ ni JR sentro sa Vatican Library sa pagbukas ni Pope Leo sa ‘AQVA’

Mipatim-aw nga mihapak ang usa ka dakong balod sa Vatican Apostolic Library niadtong Lunes (Setyembre 14) sa pag-abli ni Pope Leo sa “AQVA,” usa ka exhibition nga nagsusi sa tubig isip makaguba nga pwersa ug tinubdan sa kinabuhi.

Gitabonan sa “Diluvium” sa French artist nga si JR ang 16th-century facade sa Library ug gikuhaan og inspirasyon ang 1866 engraving ni Gustave Dore bahin sa Great Flood. Matod sa Vatican, kini ang unang site-specific artwork nga gikomisyon alang sa gawas sa Vatican Library.

Gipakita sa maong artwork, kauban sa ikaduhang installation ni JR nga “Undae,” ang pagkahuyang sa mga libro ug handumanan sa tawo kon atubangon sa kusog sa kinaiyahan.

Gitigom sa exhibition ang Renaissance fish treatises, karaan ug Asian nga mga cookbook, mga sinulat bahin sa pagbiyahe sa dagat, ug marine bestiaries gikan sa Vatican collections, kauban sa contemporary installations ni JR.

Gisaulog usab niini ang ika-60 nga anibersaryo sa 1966 Florence flood ug naglakip sa mga artwork ni American typographer Bill Moran ug Italian chef Fulvio Pierangelini. Ablihan kini sa publiko sa Setyembre 25 ug magpadayon hangtod Mayo 14, 2027. -Ato ni Bai