‘Biyaheng Bente’ Days 3 ug 4 ni Yeng Constantino Nahurot Dayon ang Tickets

Nahurot sulod sa wala pay usa ka oras niadtong Setyembre 30 ang tickets alang sa Day 3 sa “Biyaheng Bente” ni Yeng Constantino nga ipahigayon sa Nobyembre 17 sa Smart Araneta Coliseum, hinungdan nga gidugangan kini og ikaupat nga pasundayag sa Nobyembre 18. Nahurot usab sulod sa usa ka oras ang tickets alang sa bag-ong pasundayag.

Nahimong emosyonal ang OPM singer-songwriter tungod sa sunod-sunod nga pagkahurot sa tickets samtang nagpasalamat siya sa mga fans sa ilang dakong suporta sa iyang ika-20 nga anibersaryo nga serye sa mga konsiyerto.

Nahilak si Yeng samtang gisaulog niya ang maong kalampusan uban ni concert director John Prats ug mga sakop sa ilang grupo.

“Iyakin na talaga! Paano naman kase grabe, sinold-out nyo in less than an hour ang Day 3 ng Biyaheng Bente sa Araneta! I feel so overwhelmingly blessed! Umaapaw po ang pasasalamat ko, ni Direk @johnprats at ng buong @cornerstone family namin sa inyo!” matod ni Yeng sa social media.

Giimbitar usab niya ang mga fans nga wala pa makasinati sa “Biyaheng Bente” nga motambong sa bag-ong gidugang nga pasundayag.

“Kaya naman may Day 4 po tayo!! Sa November 18 po ito sa @smartaranetacoliseum ulit! And today din po 5PM ang ticket selling sa @ticketnetph! Sa mga di pa nakakasama sa Biyahe tara na at sumama!” matod niya. “Masayang ride to at pangako gagalingan pa namin lalo para sainyo! Mabuhay ang Musikang Pilipino!!”

Pareho usab kakusog ang suporta alang sa gidugang nga petsa, diin nahurot ang tickets sulod lamang sa usa ka oras. Gisaulog sa Cornerstone ang sunod-sunod nga pagkahurot sa tickets pinaagi sa usa ka post: “PARAAAAAAAA!!!! SANDALEEE!!! FOR THE 4TH TIME?!?! DAY 3 SOLD OUT IN LESS THAN AN HOUR. DAY 4 SOLD OUT IN AN HOUR. NIYANIG NIYO ANG TICKETNET! AT INUGA NIYO KAMI! SOAFER SA OA SA BILIS MAG-SECURE NG TICKETS. HUMANDA SA PAG-ARANGKADA NG BIYAHENG BENTE SA ARANETA!!”

Daghan usab ang mitambong sa iyang miaging mga pasundayag, lakip ang mga fans ug dugay na niyang mga tigpaluyo nga nakigdungan og kanta ug nalingaw sa mga pasundayag. Mitambong usab ang iyang mga higala ug kauban sa showbiz sama nila Vice Ganda, Ryan Bang, ug Heart Evangelista.

Dad-on ni Yeng ang “Biyaheng Bente” ngadto sa United States pinaagi sa iyang “Biyaheng Bente US Tour” human sa iyang mga pasundayag sa Pilipinas. Motukar siya sa Stafford, Texas, sa Oktubre 2, sundan sa pasundayag sa Beverly Hills, California, diin mouban si Sam Milby isip special guest.

Dad-on usab niya ang konsiyerto sa SMX Convention Center sa Davao sa Nobyembre 7 sa dili pa mobalik sa Smart Araneta Coliseum alang sa iyang mga pasundayag sa Nobyembre 17 ug 18.

-Ato ni Bai