VP Duterte wala pay summons aron motestigo sa impeachment trial

Gipahayag ni Vice President Sara Duterte niadtong Biyernes nga wala pa siya makadawat og bisan unsang pahibalo nga nagmando kaniya nga motestigo sa iyang impeachment trial sa Senate.

Gihimo ni Duterte ang pahayag human gipahibalo sa prosecutors nga plano nilang tawgon siya aron motestigo atubangan sa impeachment court. Sa dihang gipangutana sa Quezon City kung motambong ba siya kon patawagon, wala naghatag si Duterte og klarong tubag.

“Wala pa namang papel o dokumento na nagsasabing kailangan ko mag-appear as witness for the prosecution,” matod niya sa usa ka interview Biyernes sa buntag.

Nag-atubang ang Vice President og impeachment charges tungod sa giingong sayop nga paggamit sa confidential funds, bribery of public officials, unexplained wealth, ug mga hulga batok kang President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez, nga ig-agaw sa President.

Ang giingong mga hulga mao usab ang subject sa laing criminal case sa Quezon City Regional Trial Court Branch 98, diin personal nga mitambong si Duterte niadtong Biyernes alang sa iyang arraignment. Apan wala sa gipadayon ang proceedings human nagsang-at og motion ang iyang mga abogado.

Naghatag usab si Duterte og iyang baruganan sa plano sa Senate impeachment court nga susihon pag-usab ang gidaghanon sa mga boto nga gikinahanglan aron siya ma-convict o ma-acquit, usa ka isyu nga mitumaw tungod sa pagkawala ug pagkadetain sa pipila ka senator-judges.

Gilauman nga magdesisyon ang impeachment court bahin niini sa Setyembre 23.

Gipabilin ni Duterte ang iyang baruganan nga nakasaad na ang Senate nga sundon ang mga probisyon sa konstitusyon nga nagdumala sa impeachment proceedings.

-Ato ni Bai