VP Duterte: Ebidensya, Dili Insulto, ang Ipakita sa Impeachment Case

Gihagit ni Vice President Sara Duterte niadtong Miyerkules ang mga prosecutor ug mga miyembro sa Congress nga pamatud-an pinaagi sa ebidensya ang giingong impeachable offenses batok kaniya, samtang iyang giakusahan sila nga nagsalig sa mga insulto, pangagpas ug politikanhong drama atol sa Senate impeachment trial.

Sa usa ka pahayag, miingon si Duterte nga ang mga nagpasiugda sa duha ka impeachment complaints batok kaniya kinahanglan mosalig sa kalig-on sa ilang kaso imbis gamiton ang trial aron mangita og ebidensya.

“Prove the impeachable offense. Prove it with evidence—not insults, speculation, or political theatrics,” matod ni Duterte.

“Prosecutors and members of Congress who want to legitimize the two impeachment complaints—filed without a shred of evidence—should be confident in the strength of the case.

“They should not be fishing for evidence during the trial or desperately try to turn something they wish to be true into a wild story of alleged wrongdoing,” dugang niya.

Wala magtumbok ang bise presidente og espesipikong testimonya sa iyang pahayag, apan iyang gisaway ang mga komento sa mga senador, abogado ug mga saksi atol sa paglitis.

Gikutlo ni Duterte ang pipila ka mapasipalahong paghulagway batok sa mga saksi ug kaniya, nga matod niya wala makapamatuod sa bisan unsang impeachable offense.

“A Senator calling a witness ‘stupid,’ a lawyer calling me the ‘mastermind of a scam’ or another witness referring to me as a ‘brat,’ does not prove a case, nor does it produce evidence,” matod niya.

Matod ni Duterte, ang maong mga komento nagpakita hinuon og paningkamot nga magpakitag pagsalig bisan pa sa iyang gihulagway nga huyang nga pagpresentar sa kaso.

“Insults reveal the need to feign confidence in the face of a weak presentation,” matod ni Duterte.

Gipalapad usab sa bise presidente ang iyang pagsaway sa administrasyon, nga iyang giakusahan nga mas giuna ang impeachment proceedings, ang 2027 national budget ug mga paningkamot nga usbon ang Constitution.

“Mga kababayan, lubog na ang bansa sa baha at kahirapan, pero tila walang mananagot,” matod ni Duterte.

Miingon siya nga lakip sa mga prayoridad sa gobyerno ang “ang impeachment, ang paghati-hatian ang 2027 budget, at ang paghahanda kung papaano baliin ang Constitution para manatili sa puwesto ang prayoridad ng administrasyon at lahat ng kaalyado nito.”

-Ato Ni Bai