Senator Pangilinan miingon nga wala pa hisguti sa impeachment court ang petsa sa verdict

Gisupak ni Senator-judge Kiko Pangilinan ang pahayag nga mahimong makab-ot sa impeachment court ang verdict sa Disyembre 16. Gipasabot niya nga wala pa hisguti o magtakda ang korte og maong timeline.

Gipahayag kini ni Pangilinan human una nga miingon si impeachment court spokesperson Regie Tongol nga posibleng makab-ot sa Senate, nga naglingkod isip impeachment court, ang verdict sa Disyembre 16 human sa pagpresentar sa ebidensiya ug mga argumento sa prosecution ug defense.

“The Impeachment Court has yet to formally or informally discuss this and has yet to decide on the timetable/timeline of the trial more so a verdict date of December 16,” matod ni Pangilinan sa usa ka Facebook post.

Gipasiugda usab niya nga walay awtoridad si Tongol nga mosulti alang sa korte bahin sa mga butang nga wala pa pormal nga nadesisyunan.

“This verdict date is merely the opinion of the spokesperson. As Senator Judge, I do not share the opinion of the spokesperson. He has no authority to issue his personal opinions on the Court’s behalf,” dugang niya.

Una nang gibanabana ni Tongol nga mahimong mahuman sa House prosecution sa sunod semana ang pagpresentar niini sa ebidensiya.

Gisuspenso sa impeachment court ang usa ka adlaw sa trial niadtong miaging semana alang sa gihulagway nga strategic pause, samtang gipamub-an ang laing session human gi-postpone ni Presiding Officer Francis “Chiz” Escudero ngadto sa Lunes ang testimony sa usa ka witness sa Anti-Money Laundering Council (AMLC).

Apan matod ni Tongol, wala maulahi sa schedule ang proceedings tungod kay ang usa ka full trial day giisip nga duha ka sessions.

-Ato ni Bai