Senator-Judges Nagkasinabot sa Iskedyul sa VP Duterte Trial—Gatchalian

Posibleng moabot hangtod sa sunod tuig ang impeachment trial ni Vice President Sara Duterte samtang naningkamot ang Senado nga makab-ot ang target nga mahuman ang usa ka testigo matag adlaw, matod ni Senate President Sherwin Gatchalian niadtong Biyernes.

Miingon si Gatchalian nga nakab-ot na sa mga senator-judge ang consensus kon ibalhin ba pag-usab sa hapon ang proceedings, ug gilaom nga molihok ang Senado bahin niini sulod sa semana.

Gikonsiderar ang gisugyot nga pag-usab sa iskedyul samtang nangandam ang Senado sa paghisgot sa gisugyot nga 2027 national budget, nga mahimong dugang nga makapamenos sa oras nga magamit alang sa impeachment proceedings.

Miingon si Gatchalian nga gikonsiderar sa Senado nga ipahigayon sa buntag ang legislative session ug sa hapon ang impeachment trial aron mahatagan ang prosecution ug defense og mas taas nga oras sa pagpresentar sa ilang mga kaso.

“Isa sa mga pinag-uusapan namin ay pagbaliktarin ‘yung oras. Dahil on the average, ang impeachment kumukuha ng 6 to 7 hours. Actually, napakahaba. At dahil nga sa umaga siya, limitado siya dahil may session kami ng 3 o’clock,” matod ni Gatchalian.

“So isa sa mga pinag-aaralan, ipagpalit para ibalik ulit natin para mas mahaba siya. One to sawa,” dugang niya.

Una nang gisugyot ni Senator-Judge Juan Miguel “Migz” Zubiri nga ipahigayon ang legislative session sa Senado alas 10 sa buntag sa dili pa sugdan ang impeachment trial alas 3 sa hapon.

Miingon si Zubiri nga pinaagi niini nga kahikayan, dili maputol og sayo ang impeachment proceedings tungod sa legislative calendar sa Senado ug mahatagan ang duha ka kampo og dugang oras sa pagpresentar sa ilang mga argumento.

Apan giila ni Gatchalian nga adunay mahimong epekto ang pagpalugway sa oras sa trial, ilabi na sa mga senador ug ilang mga kawani nga dugay nang nagtrabaho og taas nga oras.

Bisan pa sa posibleng pag-usab sa iskedyul, miingon si Gatchalian nga nagpabilin ang target sa Senado nga mahuman ang impeachment trial sa Disyembre.

Apan iyang giangkon nga tungod sa kasamtangang dagan sa proceedings ug mga suspension sa trabaho tungod sa daotang panahon, mahimong moabot hangtod sa 2027 ang trial.

“‘Pag ganito ang takbo, parang nakikita ko ay next year, pwede pang tumawid ito. Pero ang target namin hopefully, by December. So kaya nga mag-aadjust na lang ang senado sa oras para ‘yung target na one witness, one day ay magawa natin,” matod niya.

-Ato ni Bai