Sen. Camille Villar Emosyonal nga Mihangyo og Respeto alang sa Upat ka Wala Mitambong nga Senador

Emosyonal nga mihangyo si Senator-judge Camille Villar niadtong Miyerkules sa iyang mga kauban nga likayan ang pag-atake sa mga senador nga wala mitambong sa impeachment trial ni Vice President Sara Duterte, ug gipasiugda nga ang ilang pagkawala tungod sa mga kahimtang nga dili nila kontrolado.

Gihimo ni Villar ang maong hangyo sa ika-29 nga adlaw sa trial isip tubag sa mga argumento ni Senator-judge Erwin Tulfo, kinsa nanawagan nga hisgotan pag-usab ang 16 ka boto nga gikinahanglan aron makonbikto tungod sa dugay nga pagkawala sa upat ka miyembro: Senators Loren Legarda, Jinggoy Estrada, Rodante Marcoleta, ug Ronald “Bato” dela Rosa.

Nangatarungan si Tulfo nga kinahanglan ikonsiderar sa Senado ang ilang pagkawala sa pagtino sa kataposang basihan sa boto alang sa conviction.

“The present realities are that some of our members are beyond the coercive power or jurisdiction of the Senate—one is on medical leave abroad with no definite return date,” matod ni Tulfo. “Another is in hiding. Two others are under the custody of the Sandiganbayan or the Bureau of Jail Management and Penology. These are the factual circumstances that exist today, which were not present when we began these proceedings.”

Dugay nang naka-medical leave si Legarda, samtang kasamtangang detained sila Estrada ug Marcoleta kalabot sa plunder charges. Nagpabiling at large si Dela Rosa human giisyuhan og arrest warrant sa International Criminal Court (ICC).

Nangatarungan si Tulfo nga bisan tuod gihimo sa mga naghimo sa 1987 Constitution ang two-thirds vote requirement isip panalipod batok sa politikanhong pag-abuso, dili nila matag-an ang kahimtang diin daghang senador ang mag-atubang og criminal prosecution o dili makaapil tungod sa ilang pisikal nga kahimtang.

“Because it is a fraction, the mathematical baseline dynamically moves or varies depending on structural, operational, and situational factors affecting the Senate composition,” pangatarungan ni Tulfo. “In the past, cases against senators involved subversion or sedition—they were not facing criminal charges like plunder.”

Wala mouyon si Villar sa paagi sa paghulagway sa iyang mga kauban nga wala mitambong ug emosyonal nga misingit aron depensahan sila.

“While I respect all of my colleagues here, I think we should be reminded that all of the senators who are detained and not here right now—that is not their choice,” matod ni Villar.

Misupak siya sa paghulagway sa ilang pagkawala pinaagi sa mga alegasyon sa pagpangawat o plunder, ug gipasiugda nga wala pay kataposang hukom batok kanila.

“It is unfair to call them out as if their crimes are plunder and theft, because none of those senators have been convicted. There are even serious questions as to why they are not here in the first place,” matod niya. “As the youngest member of this august body, can we please stop these attacks on each other?”

Human niini, nangayo og pasaylo si Tulfo sa iyang gigamit nga mga pulong ug giklaro nga ang iyang gipasabot mao ang mga kaso nga gipasaka batok sa mga senador ug dili nga sad-an na sila.

Ang lalis bahin sa pagkawala sa mga miyembro nagpakita sa mas lapad nga legal nga panaglalis sulod sa tribunal kung ipadayon ba ang 16 ka boto nga gikinahanglan aron makonbikto nga gitakda ni Presiding Officer Francis Escudero sa pagsugod sa trial. -Ato ni Bai