Prosecution: Mga pangutana sa impeachment trial dili mahimong ibase sa alegasyon ni Trillanes

Gipahayag sa prosecution panel nga dili mahimong gamiton isip basehan sa pagpangutana sa mga saksi sa nagpadayong impeachment trial ang mga alegasyon ni kanhi senator Antonio Trillanes IV batok kang Vice President Sara Duterte.

Matod ni House prosecution team legal spokesperson Atty. Benjamin “Jay” Tolosa Jr. atol sa usa ka news forum sa Quezon City niadtong Sabado, Oktubre 3, dili mahimong hisgutan ang mga akusasyon ni Trillanes atol sa proceedings tungod kay gihimo kini gawas sa impeachment trial.

Niadtong Biyernes, giakusahan ni Trillanes si Duterte ug ang iyang bana nga si lawyer Maneses Carpio nga nakadawat og P150 milyon ug P319 milyon, matag usa, pinaagi sa ilang tagsa-tagsa ka organisasyon gikan sa People’s Republic of China.

Sa sinugdan, ipresentar unta ni Trillanes ang mga alegasyon atubangan sa impeachment court, apan sa ulahi gitangtang siya sa House prosecution gikan sa listahan sa mga saksi.

Matod ni Trillanes, siya mismo ang mihangyo sa prosecution panel nga tangtangon siya isip saksi, ug mipili hinuon nga ipadayag ang iyang mga alegasyon atol sa usa ka press conference.

“Sabay sabay natin makikita ‘yan next week kung talagang magsisilbing resibo ang mga alegasyon ni Senator Trillanes nitong mga bank records, different financial transactions,” matod niya.

Matod ni prosecutor Terry Ridon, sugdan sa prosecution sa sunod semana ang pagpresentar sa mga financial witnesses, lakip ang executive director sa Anti-Money Laundering Council (AMLC).

“Sa darating na linggo, isasalang na ang financial witnesses… isasalang na finally ang AMLC executive director, patungkol sa transactions ng mag-asawang Duterte-Carpio at mga kumpanya po nila,” matod ni Ridon.

-Ato ni Bai