Palasyo: PNP Walay Gidapigan, Dili ‘Sandata’ sa Karahasan

MANILA – Miingon ang Malacañang niadtong Sabado nga gipatuman sa Philippine National Police (PNP) ang mandato niini subay sa balaod, nga walay gidapigan ug walay sagol nga politika.

Sa usa ka pahayag, miingon si Palace Press Officer Claire Castro nga nagpabiling nakatutok ang kapulisan sa pagpanalipod sa katungod sa mga tawo nga ilang giprotektahan ug sa pagserbisyo sa interes sa katawhang Pilipino.

“Ipinatutupad ng PNP ang kanilang mandato ayon sa batas, walang kinikilingan at ng walang halong pulitika kundi para bawat Filipino lamang (The PNP is carrying out its mandate in accordance with the law, without bias and without political considerations, but solely for the benefit of every Filipino),” matod ni Castro.

Tubag ang pahayag ni Castro sa mga komento ni Vice President Sara Duterte nga nahadlok siya alang sa iyang kaluwasan ug kinabuhi human miadto ang kapulisan sa lugar diin atua ang iyang mga anak, human nagpagawas ang Quezon City Regional Trial Court og warrant of arrest batok kaniya.

Miingon si Duterte nga gibati niyang “unsafe” siya human sa maong hitabo ug nagtuo siyang “they are going to kill” her.

Miingon si Castro nga dili tugotan sa gobyerno nga gamiton ang kapulisan isip “weapon (to) perpetrate violence."

Gitambagan niya ang mga adunay reklamo nga moagi sa hustong legal nga proseso imbis magpasaka og mga akusasyon nga walay basihan.

“Ipinapaalala natin sa publiko na ang anumang agam-agam o reklamo hinggil sa aksyon ng pulisya ay maaari nilang ipaabot ang mga ito sa pamamagitan ng legal na pamamaraan at hindi sa pagsasagawa ng mga usaping walang batayan (We remind the public that any concern or complaint regarding police actions may be raised through legal channels, rather than through baseless allegations),” matod ni Castro.

“Nais rin namin ipaalala sa lahat na ang administrasyong ito ay hindi papayag na maging sandata ang kapulisan sa anumang karahasan (We also wish to remind everyone that this administration will not allow the police force to be used as a weapon for any form of violence).”

Miingon siya nga nagpabiling bug-os ang pagsalig sa gobyerno sa liderato ug mga personnel sa PNP.

“Nanatili silang professional sa pangangalaga sa mga karapatan ng lahat ng taong nasa ilalim ng kanilang pagprotekta. Buo ang tiwala ng administrasyon sa pamunuan ng PNP at sa hanay nito (They remain professional in safeguarding the rights of all individuals under their protection. The administration has full confidence in the PNP leadership and its ranks),” matod niya.

-Ato Ni Bai