Pagbasura sa mga Petisyon Naghimo og ‘Firewall’ Palibot sa Impeachment Court – Tongol

Naghimo og “definitive firewall” palibot sa kagawasan sa Senate impeachment court ang pagbasura sa Supreme Court sa mga petisyon batok sa lagda niini sa pagboto sa kaso ni Vice President Sara Duterte, matod sa tigpamaba sa korte niadtong Miyerkules.

“By junking these challenges, the Highest Court has drawn a definitive firewall around the independence of the Senate as an Impeachment Court, confirming that its proceedings cannot be held hostage by premature judicial meddling or collateral litigation,” matod ni lawyer Regie Tongol.

Gipagawas ni Tongol ang pahayag human gibasura sa Supreme Court en banc ang managlahing petisyon nila Victor Rodriguez, Berteni Cataluña Causing, ug lawyer Ernesto Francisco Jr. nga nagkuwestiyon sa ruling sa impeachment court niadtong Setyembre 23 bahin sa constitutional two-thirds voting threshold.

Matod niya, gibasura ang mga petisyon tungod sa procedural grounds, ilabina sa kakulang sa standing ug prematurity.

Ang pagbasura niini tungod sa maong mga rason wala nagpasabot nga nakahimo na ang Supreme Court og substantive determination kon husto ba ubos sa Konstitusyon ang interpretasyon sa Senate impeachment court sa two-thirds requirement.

Apan matod ni Tongol, giisip sa impeachment court nga nagpabiling balido ang ruling niini niadtong Setyembre 23 ug makapadayon ang trial nga walay pagkabalda gikan sa mga kasong gibasura.

“The Impeachment Court’s September 23 ruling stands undisturbed and shall continue to perform its constitutional mandate to solely try and decide the impeachment case before it without unnecessary stalling or external distractions,” matod niya.

Ubos sa ruling niadtong Setyembre 23, kuwentahon ang constitutional two-thirds requirement base sa mga senador nga legal ug aktuwal nga makahimo sa pag-apil sa panahon nga ipagawas ang hukom, imbis awtomatikong itakda sa 16 ang gikinahanglang boto alang sa conviction base sa 24-member Senate.

Gisagop sa impeachment court ang maong interpretasyon pinaagi sa 13-1 nga boto, samtang unom ka senator-judge ang wala moapil. Gitakda usab sa ruling ang mga kahimtang diin mahimong dili iapil ang mga senador sa denominator, lakip ang legal restraint, detention o suspension, physical o medical incapacity, o kon dili sila maabot sa coercive processes sa Senado.

Gipasiugda kaniadto ni Senate President Sherwin Gatchalian nga wala usba sa ruling ang constitutional requirement nga two-thirds vote, kondili gitubag lamang niini kon kinsang mga senador ang iapil sa basihan sa pagkuwenta sa boto kon adunay dili makahimo sa pag-apil.

Sa wala pa maresolba ang mga petisyon, matod ni Gatchalian, magpadayon ang impeachment trial ubos sa lagda niadtong Setyembre 23 gawas kon magpagawas ang Supreme Court og temporary restraining order.

Matod ni Tongol, gitangtang sa pagbasura sa mga petisyon ang maong mga hagit isip babag sa pagpadayon sa proceedings. -Ato ni Bai