OVP Spokesperson: Pagpaubos sa Impeachment Vote Threshold Posibleng Mopresyur sa mga Senador

Mipahimangno ang bag-ong gitudlo nga spokesperson ni Vice President Sara Duterte nga si Salvador Paolo Panelo Jr. nga ang pagpaubos sa 16-vote requirement aron makombikto ang Bise Presidente sa iyang impeachment trial mahimong magbutang sa mga senador sa giingong “pressure” gikan sa gobyerno.

Gipahayag ni Panelo kini nga kabalaka samtang gihisgutan sa Senate impeachment court kon ang two-thirds conviction threshold kinahanglan magpabiling 16 ka boto bisan wala ang upat ka senator-judges.

“Maaaring kapag ang denominator, itong 16, ay pwedeng babaan, iniimbitahan mo yung nasa poder, yung gobyerno natin, na targetin itong mga senador na aasahan nilang hindi boboto nang pabor sa gusto nila,” mipahimangno si Panelo.

Gipangutana niya ang mga kahimtang nga nakapugong sa upat ka senador sa pagtambong sa proceedings, ilabina kadtong nag-atubang og legal nga mga babag.

“Sino ba ang nagpakulong dun sa mga senador na hindi makapunta rito or hindi maka-attend? Bakit ba yung ibang senador ay hindi makaboto or hindi maka-participate?” pangutana niya.

Gipahayag kini usa ka adlaw human mitambong ang upat ka retiradong Supreme Court justices isip amici curiae aron mohatag og expert testimony bahin sa constitutional voting requirement.

Mipahayag sila retired Chief Justices Hilario Davide Jr., Artemio Panganiban, ug Reynato Puno nga ang two-thirds requirement dili hugot nga gitakda sa 16. Sa laing bahin, gipadayon ni former Associate Justice Adolfo Azcuna nga kinahanglan magpabiling fixed ang minimum nga boto alang sa conviction.

Bisan giila ni Panelo ang mga argumento nila Davide, Panganiban, ug Puno, iyang gipasiugda nga ang mausab-usab nga threshold mahimong makamugna og peligroso nga kahuyang.

“Meron pa rin bang saysay yung ganong opinion kung… yung gobyerno natin imamanipulate yung participation ng mga senador by filing cases against them or threatening to file cases against them?” tubag ni Panelo.

Mipabor si Panelo sa posisyon ni Azcuna, nga nangatarongan nga ang constitutional phrase nga “all the members” hugot nga nagtumong sa tanang 24 ka incumbent senators, busa 16 ka boto ang minimum nga gikinahanglan alang sa conviction. Matod niya, ang pagpabilin niining taas nga requirement makapugong sa mga political faction sa paggamit sa impeachment batok sa mga napiling opisyal.

“Ito’y nagpapakita lang na mukhang hindi nila kayang i-convict si VP Sara doon sa inilagay ng Constitution na 16 votes for conviction. Mukhang mahihirapan silang kunin yung 16 kaya naghahanap sila ng paraan ngayon para pababain ito,” alegasyon ni Panelo.

Upat ka senador ang kasamtangang dili makaapil sa trial sa Bise Presidente: sila Jinggoy Estrada, Rodante Marcoleta, Ronald “Bato” dela Rosa, ug Loren Legarda. -Ato ni Bai