Oral arguments posibleng unahon kaysa subpoena kang VP Sara

Posibleng magpahigayon og oral arguments ang Senate impeachment court sa dili pa kini modesisyon kon mahimong pugson si Vice President Sara Duterte nga motestigo sa iyang kaugalingong impeachment trial, kon pormal nga mangayo og subpoena ang House prosecutors, matod ni court spokesperson Reginald Tongol niadtong Martes.

Gisulti ni Tongol sa usa ka press briefing nga nagbarog ang prosecution nga mahimong ipa-subpoena si Duterte, samtang nangatarungan ang iyang defense team nga ang pagpugos kaniya sa pagtestigo mosupak sa iyang constitutional right against self-incrimination.

“Ang position naman ng kabila, nila Atty. Michael Poa, the respondent’s counsel, ay absolute right against self-incrimination… at hindi pwedeng ipatawag by any court ang isang akusado or respondent in an impeachment court,” matod ni Tongol.

Matod niya, kinahanglan husayon sa impeachment court ang nagkasumpaking legal positions sa duha ka kampo kon pormal nang mangayo ang prosecutors nga magpagawas og subpoena.

“Pagdating ng panahon na mag-request na talaga sila for subpoena yung House Prosecution Panel, bibigyan sila ng oras para makapag-respond naman o baka sakaling oral arguments when the time comes,” matod ni Tongol.

Gisulti niya nga mahimong sundon sa korte ang susamang proseso nga gigamit kaniadto sa panaglalis bahin sa subpoenas duces tecum alang sa mga rekord gikan sa mga bangko, Anti-Money Laundering Council, ug Bureau of Internal Revenue. Niadtong higayona, gitugotan ang defense nga mosumite og sinulat nga argumento sa dili pa moatubang ang duha ka kampo sa senator-judges alang sa oral arguments.

Matod ni Tongol, mas dako ang constitutional implications sa isyu kon mahimong pugson si Duterte nga motestigo tungod kay direktang nalambigit niini ang usa ka proteksyon ubos sa Bill of Rights.

“Mas importante ito at magkakaroon ng ganong prosesong oral arguments when the time comes that they request for the subpoena to be issued,” matod niya.

Wala pa pormal nga nangayo ang prosecution og subpoena aron pugson si Duterte nga motestigo.

Mahimo usab, matod ni Tongol, nga boluntaryong motestigo si Duterte, nga makatangtang sa panginahanglan nga una pang desisyunan sa korte kon mahimo ba siyang pugson sa pag-atubang.

“It is totally the respondent’s prerogative if she wants to be a witness,” matod niya, nga gihisgutan ang impeachment trial ni kanhi Chief Justice Renato Corona, kinsa boluntaryong mitestigo sa iyang kaugalingong proceedings.

Apan kon boluntaryong motestigo si Duterte, kinahanglan siyang moatubang sa cross-examination sa pikas kampo.

“Kapag uupo ka na, the other party has to cross-examine you,” matod ni Tongol.

Gidugang niya nga mahimong tangtangon sa record ang testimony kon pugngan sa usa ka witness ang pikas kampo sa paggamit sa katungod niini sa cross-examination.

Sa pangutana kon mahimong ma-contempt si Duterte kon magpagawas ang korte og subpoena ug dili siya motuman niini, miingon si Tongol nga posible kini, apan atubangon lamang sa korte ang legal consequences kon mahitabo na ang maong sitwasyon.

Gikatakdang ipadayon ang impeachment trial sa Setyembre 14, diin sugdan sa House prosecution panel ang pagpresentar sa ebidensya alang sa Article II nga may kalabotan sa alegasyon sa unexplained wealth.

-Ato Ni Bai