House Prosecution Dili Na Motawag kang VP Sara isip Hostile Witness

Gibiyaan na sa House prosecution panel ang plano nga tawagon si Vice President Sara Duterte isip hostile witness sa iyang impeachment trial, human miingon si private prosecutor Lorna Kapunan nga gamay ra ang bag-ong impormasyon nga makuha gikan sa iyang testimonya.

Matod ni Kapunan, nagdahom ang prosekusyon nga ilimod ni Duterte nga may nahibaloan siya bahin sa mga alegasyon, sama sa tubag sa usa ka miaging hostile witness gikan sa Office of the Vice President.

"From everything we have heard from the defense, she is just going to say, 'Hindi ko alam' [I don't know]. That is all she is going to say on the witness stand," matod ni Kapunan. "She is not going to enlighten the senator-judges or the public regarding her accountability for public funds, unexplained wealth, and grave threats against the President, First Lady, and former Speaker."

Giila ni Kapunan nga ang pagpatawag kang Duterte aron motestigo makahatag og kahigayonan sa prosekusyon nga maobserbahan ang iyang pamatasan, apan matod niya, dili kini produktibo tungod kay madahom na ang iyang mga tubag.

"It will be good for the prosecution [if she takes the stand]. Makikita natin iyong init ng ulo niya, ang pagkalutang niya. But it will be an absolute waste of the prosecution’s time when the testimony is predictable," dugang niya.

Gipasabot nila Kapunan ug sa iyang kaubang private prosecutor nga si Benjamin Tolosa Jr. nga mahimo gihapong pilion sa defense team nga patestigohon si Duterte, nga maghatag sa prosekusyon og kahigayonan nga i-cross-examine siya.

"The defense would have better control over what she says and how she behaves," matod ni Kapunan. -Ato ni Bai