Kanhi Sandiganbayan Justice: President ug VP gidid-an sa negosyo aron malikayan ang abuso

Gipasabot ni kanhi Sandiganbayan Presiding Justice Amparo Cabotaje-Tang nga mas hugot ang mga pagdili sa pagnegosyo alang sa President ug Vice President tungod sa mas dakong posibilidad nga maabuso nila ang ilang mga katungdanan.

Matod niya, isip duha ka labing taas nga opisyal sa nasod, mas dako ang ilang gahum ug busa mas taas usab ang risgo nga maabuso nila ang ilang awtoridad.