Veronica Pulumbarit

Nagsugod sa edad nga pito ang panaw ni Veronica Velarde-Pulumbarit, Managing Editor sa Paraluman News, sa journalism, human siya madasig sa comic strip nga “Brenda Starr, Reporter.”

 

Gimugna niadtong 1940 sa newspaper cartoonist nga si Dalia Messick ang karakter nga Brenda Starr. Gigamit ni Messick ang ngalan nga “Dale Messick” aron makasulod sa industriya sa balita nga gidominar sa mga lalaki niadtong panahona. Nagpadayon ang comic strip hangtod 2011 ug naghisgot sa nagkalainlaing mga hilisgutan, gikan sa gugma, pagka-inusarang ginikanan, mga panagkunsabo, hangtod sa pagdagit ug pagpatay sa mga journalist.

 

Dakong nakaimpluwensya kang Veronica ang misyon ni Brenda Starr isip journalist sa pagpangita sa kamatuoran. Giingnan siya sa iyang mga ginikanan nga ang iyang ngalan naggikan sa Latin nga pulong nga “vero,” nga nagpasabot og “kamatuoran.”

 

Nakahuman si Veronica og Bachelor of Arts in Journalism sa University of the Philippines Diliman niadtong 1991. Sukad niadto, nakaangkon siya og halapad nga kasinatian sa mga newspapers, magasin, international news services, ug online media. Niadtong 2017, giila siya isip usa sa “100 Fearless Filipinas” tungod sa iyang trabaho isip journalist.

 

Dako ang iyang pagtuo sa dungog ug bili sa propesyon, ug kanunay niyang gipahinumdoman ang Paraluman News team nga ipaambit ang matag balita uban sa pag-amping ug pagtahod. Isip usa ka tawo nga padayon nga nagkat-on, nakahuman usab siya og specializations sa Graphic Design gikan sa California Institute of the Arts ug Contemporary and Modern Art gikan sa Museum of Modern Art.