VP Duterte Nagpahayag og Dakong Kaguol sa Pagkalambigit sa Pilipinas sa Drug Trade

Nagpahayag si Vice President Sara Duterte og "deep regret" o dakong kaguol sa pagkadugtong sa ngalan sa Pilipinas sa ilegal nga pagpayuhot og droga sa rehiyon, samtang gipasiugda niya ang panginahanglan nga palig-onon ang pagpatuman sa balaod sa nasod ug ang kooperasyon sa seguridad sa tibuok Southeast Asia.

Sa opisyal nga pahayag nga gipagawas niadtong Domingo, Oktubre 11, 2026, gitubag ni Duterte ang nagkadakong kabalaka bahin sa posibleng pagkalambigit sa Pilipinas sa mga internasyonal nga grupo sa ilegal nga droga, human sa dagkong pagkasakmit og droga sa mga silingang nasod.

"We recognize the concerns surrounding the Philippines’ role in regional drug trafficking and express my deep regret that our country has become associated with this problem," matod ni Duterte.

"As a member of ASEAN, the Philippines acknowledges its responsibility to do more."

Nagpasalamat usab si Duterte sa mga awtoridad sa ubang nasod, ilabina sa Laos ug Thailand, tungod sa ilang pagkasakmit sa dagkong kargamento sa droga nga giingong padulong unta sa Pilipinas.

Ang bag-ong mga operasyon sa rehiyon, lakip ang pagkasakmit sa kapin 500 ka kilo nga gidudahang methamphetamine sulod sa usa ka pribadong eroplano sa Laos ug kapin usa ka toneladang crystal meth sa kadagatan duol sa Gulf of Thailand, nagpakita sa nagkalapad nga operasyon sa mga grupo nga nagpayuhot og droga tali sa mga nasod.

"I extend my sincere appreciation to the governments of Laos and Thailand for their continued efforts and firm commitment to combating illegal drug trafficking and strengthening regional security," matod niya.

"Their actions have helped save many Filipino families from the devastating effects of illegal drugs and have contributed to safer communities across the Philippines."

Gipamatud-an pag-usab sa Bise Presidente ang pasalig sa Pilipinas sa mga tumong sa seguridad sa Association of Southeast Asian Nations (ASEAN). Misaad siya nga tutokan sa nasod ang pagpaayo sa pagbinayloay og impormasyon sa intelligence, pagpalig-on sa pagpatuman sa balaod, ug pagkat-on sa epektibong mga pamaagi sa silingang mga nasod aron mabungkag ang mga sindikato nga naglihok sa lain-laing nasod.

"We commit ourselves to strengthening our law enforcement efforts, improving regional intelligence-sharing, and deepening cooperation with our ASEAN partners to combat transnational drug trafficking," dugang ni Duterte.

"The Philippines is committed to learning from the experiences of our neighbors, fulfilling our obligations as an ASEAN member, and working toward a safer and more secure Southeast Asia for all."

Sa pagkakaron, nakigkoordinar ang mga awtoridad sa Pilipinas, lakip ang Philippine National Police (PNP) ug Philippine Drug Enforcement Agency (PDEA), sa ilang mga katumbas sa ubang nasod aron imbestigahan ang gigikanan ug padulngan sa mga droga nga nasakmit sa bag-ong mga operasyon sa rehiyon. -Ato ni Bai