Villanueva gipug-at AKSYON Fund ug mas lig-on nga proteksyon sa OFWs

Uban sa pagsaulog sa ika-31 nga anibersaryo sa Migrant Workers and Overseas Filipinos Act of 1995, gipasidunggan ni Senador Joel Villanueva ang mga Overseas Filipino Workers (OFWs) ug gipasiugda ang ilang mga sakripisyo ug dakong kontribusyon alang sa ilang mga pamilya ug sa ekonomiya sa nasud.

Gipunting usab sa senador ang mga mahinungdanong kalamboan sa pagpatuman sa maong balaod, lakip na ang pagtukod sa Standard Employment Contract (SEC) alang sa mga marinong Pilipino ug mga migranteng mangingisda.

“Isang taos pusong pagpupugay at pasasalamat sa atong mga kababayang OFWs sa ilang dili matupngan nga mga sakripisyo alang sa ilang mga pamilya ug sa ekonomiya sa nasud (Usa ka kinasingkasing nga pagpangumusta ug pagpasalamat sa atong mga kaigsuonang OFWs tungod sa ilang dili matupngan nga mga sakripisyo alang sa ilang mga pamilya ug sa ekonomiya sa nasud),” matod sa senador.

Gidugang pa niya nga ang maong makasaysayanong balaod mao ang nagpahimutang sa usa ka lig-on ug nakasentro sa katungod nga sistema sa pagpanalipod sa mga migranteng Pilipinong mamumuo, nga sa ulahi misangpot sa pagtukod sa Department of Migrant Workers (DMW).

Gipasiugda niya nga ang Department of Migrant Workers (DMW), uban sa Overseas Workers Welfare Administration (OWWA), kinahanglan magpadayon sa pagsiguro sa kaluwasan, panalipod, ug kaayohan sa mga Pilipinong nagatrabaho sa gawas sa nasud.

“The DMW, together with the Overseas Workers Welfare Administration, must continue to ensure that our OFWs are safe, protected, and well-served wherever they are in the world. This is the key mandate of the law (Ang DMW, uban sa Overseas Workers Welfare Administration (OWWA), kinahanglan magpadayon sa pagsiguro nga ang atong mga OFWs luwas, napanalipdan, ug maayong naserbisyohan bisan asa man sila sa kalibotan. Mao kini ang pangunang mandato sa balaod),” matod sa kanhi pangulo sa Technical Education and Skills Development Authority.

Isip nangunang awtor sa DMW Act, gisubli sa senador ang iyang panawagan alang sa pagtukod sa AKSYON Fund, nga nagtinguha nga makahatag og ayuda sa kaayohan, legal nga tabang, ug emerhensiyang suporta sa mga OFWs nga anaa sa kalisdanan o nagkinahanglan og tabang sa gawas sa nasud.

Gipanawagan usab niya ang padayon ug mas gipalapad nga pondo alang sa mga programa sa tabang sa OFWs aron masiguro ang dayon nga suporta sa mga Pilipino sa gawas sa nasud nga nagaatubang og mga kalisdanan.

Mipasalig usab siya sa padayon nga congressional oversight aron mapugngan ang sobra nga mga bayronon ug kaltas sa mga remittance sa mga OFWs.

Gidawat usab niya ang bag-ong mga kalamboan nga nahimo sa Department of Migrant Workers ug Overseas Workers Welfare Administration, lakip ang mas gipaayo nga repatriation efforts, pagpalapad sa mga skills training programs, ug ang pagpatuman sa Standard Employment Contracts alang sa mga Pilipinong marinero ug migranteng mangingisda.

“Sa atong mga mangingisda ug mandaragat sa ibayong dagat — dili kamo hikalimtan. Ang SEC mao ang naghatag og proteksyon alang sa inyong kaayohan ug katungod (Alang sa atong mga mangingisda ug mandaragat sa ibayong dagat — dili kamo hikalimtan. Ang Standard Employment Contract (SEC) mao ang naghatag og proteksyon alang sa inyong kaayohan ug katungod),” matod ni Villanueva.

Gipasiugda sa senador ang iyang padayon nga pasalig sa pagpalig-on sa mga polisiya nga maghatag og dugang proteksyon sa dignidad, kaayohan, ug katungod sa mga migranteng Pilipinong mamumuo.

Lakip sa iyang mga prayoridad nga balaod mao ang Senate Bill No. 1917 o ang OFW Remittance Protection Act, nga siya ang principal sponsor, ug nga miagi na sa ikatulong pagbasa niadtong Marso 2026 sa Senado.

“We know that behind every remittance is a story of sacrifice and love for the family. Dili lang pasalamat ang angay natong ihatag sa atong mga OFWs, kondili mas lig-on nga proteksyon usab (Nasayod kita nga luyo sa matag remittance adunay istorya sa sakripisyo ug gugma alang sa pamilya. Dili lang pasalamat ang angay natong ihatag sa atong mga OFWs, kondili mas lig-on nga proteksyon usab),” dugang pa niya.

-Ato ni Bai