US Ambassador Mibisita sa Palestinian Town Taliwala sa Settler Violence

TURMUS AYYA, Ramallah- Nakigkita niadtong Sabado ang Ambasador sa US sa Israel nga si Mike Huckabee sa mga Palestinian, lakip ang mga pamilya sa US citizens nga gipatay sa Israeli settlers, sa usa ka Palestinian town sa giokupar nga West Bank nga balik-balik nga giatake sa mga settler.

Misamot pag-ayo ang bayolensya sa mga settler sa West Bank sukad milingkod sa katungdanan sa ulahing bahin sa 2022 ang coalition government ni Prime Minister Benjamin Netanyahu, ang labing right-wing nga gobyerno sa kasaysayan sa Israel.

Daghang settlements ang natukod palibot sa Turmus Ayya, usa ka Palestinian town duol sa Ramallah nga gibisitahan ni Huckabee niadtong Sabado. Matod sa mga residente, kasagaran ang pagpangharass sa militanteng Israeli settlers ug dili nila mapugngan ang pagsulod sa mga settler sa lungsod ug pagdaot sa ilang mga balay.

"We have many issues that we will address," matod ni Nawwaf Zaghoul, mayor sa lungsod, ngadto sa mga reporter sa wala pa ang miting, samtang gihulagway niya ang giingon niyang padayon nga mga pag-atake sa mga settler.

Miingon si Zaghoul nga mangayo ang mga residente og tabang sa ambasador aron masiguro ang ilang kaluwasan ug seguridad. Matod niya, mga 80% sa gibanabanang 3,000 ka residente sa lungsod mga Palestinian Americans.

Si Huckabee, usa ka Baptist minister ug dugay nang supporter sa Israeli settlements, nanawagan nga kasohan ang mga settler nga naghimo og bayolenteng pag-atake. Apan miingon siya nga nagtuo siyang gamay lamang silang bahin sa kinatibuk-ang settler community, nga adunay mga 750,000 ka miyembro. Talagsa ra makasuhan ang Israeli settlers nga giakusahan sa pag-atake sa mga Palestinian sa West Bank.

"We are hoping that (the ambassador) will do something for us regarding these lawless settlers," matod ni Turmus Ayya resident Sameer Hazama sa wala pa ang miting uban sa ambasador.

Mibisita si Huckabee sa Taybeh, usa sa pipila na lamang ka nahibiling Christian villages sa West Bank, niadtong Hunyo 2025 human gidaot ang usa ka simbahan didto. Miingon si Huckabee niadtong panahona nga ang pagdaot sa usa ka lugar sa pagsimba usa ka teroristang buhat ug krimen.

Gipalapad usab sa gobyerno ni Netanyahu ang mga settlements sa tibuok West Bank, nga mas nagpalig-on sa kontrol sa Israel sa teritoryo nga gusto sa mga Palestinian alang sa ilang umaabot nga estado.

Ilegal ubos sa international law ang Israeli settlements sa West Bank, samtang gikonsiderar sa United Nations ug kadaghanan sa mga nasod nga giokupar ang maong teritoryo. Matod sa gobyerno sa Israel, gilalisan ang maong yuta ug dili giokupar.

Gitawag ni Huckabee ang West Bank sa biblical name niini nga Judea and Samaria, usa ka termino nga gigamit sa gobyerno sa Israel apan wala gisagop sa U.S. government. Mibisita siya sa Shiloh, usa ka settlement duol sa Turmus Ayya, labing menos duha ka beses sukad 2025.

-Ato Ni Bai