South Korea Nangayo og Pasaylo sa Ukraine sa Pagbutyag sa Pagbalhin sa North Korean POWs

Nangayo ang presidential office sa South Korea og opisyal nga pagpasabot ug pasaylo gikan sa Ukraine, human giakusahan ang Kyiv nga gibutyag ang pagbalhin sa duha ka North Korean prisoners of war ngadto sa South Korea ug dayong bakak nga milimod nga nagkasabot ang duha ka nasud nga dili ibutyag ang maong lakang.

“The presidential office expresses strong regret over Ukraine’s unilateral disclosure and its subsequent false announcement that there had not been a non-disclosure agreement,” matod ni Seong Ghi-hong, senior presidential secretary for public relations, sa pahayag nga gipagawas niadtong Domingo.

Matod niya, gituki sa gobyerno ang dugang nga mga lakang bahin sa maong isyu kung gikinahanglan.

Matod ni Seong, balik-balik nga gihisgutan sa Ukraine uban sa Seoul pinaagi sa nagkalainlaing paagi ang pagbalhin sa mga bihag ug mihangyo nga sekretohon kini, tungod kay ang pagbutyag sa publiko mahimong makapukaw og pagsaway sa sulod sa Ukraine nga gibiyaan sa Kyiv ang kahigayonan nga ibaylo ang mga sundalo ngadto sa mga Ukrainian nga bihag.

Miuyon ang South Korea nga sekretohon ang pagbalhin tungod sa mga kabalaka sa seguridad, diplomasya ug makatawhanong kahimtang, lakip ang kaluwasan sa mga bihag ug sa ilang mga pamilya, matod niya.

Sumala sa pahayag, gibutyag sa Ukraine sa ulahi ang pagbalhin atol sa pakigpulong ni President Volodymyr Zelenskiy sa United Nations General Assembly bisan walay igo nga pagkonsulta daan, ug dayon milimod nga adunay kasabotan nga dili ibutyag ang maong impormasyon.

Matod ni Seong, grabeng nakadaot sa pagsalig tali sa duha ka gobyerno ang maong paglimod ug mahimong makadaot sa relasyon sa duha ka nasud.

Wala dayon mitubag ang embassy sa Ukraine sa Seoul sa hangyo sa Reuters alang sa komento.

Giingnan ni Zelenskiy ang United Nations General Assembly sa miaging semana nga gibalhin sa Ukraine ngadto sa South Korea ang duha ka nadakpang North Korean nga sundalo. Matod niya, bag-o lang gipadala didto ang duha human sila madakpi samtang nakig-away alang sa Russia sa gubat batok sa Ukraine.

Miingon si South Korean President Lee Jae Myung pipila ka adlaw sa wala pa kini nga gilapas sa Ukraine ang non-disclosure agreement pinaagi sa pagbutyag sa pagbalhin.

Sa usa ka post sa X, matod ni Lee nga “it was appropriate in every aspect not to disclose” ang pagbalhin tungod sa posibleng mga sangpotanan, ug nga nagkasabot ang duha ka nasud nga sekretohon kini.

“I do not know what circumstances led the Ukrainian side to disclose the matter despite the confidentiality agreement, but it is deeply regrettable,” matod niya.

Nadakpan sa Ukraine ang duha ka North Korean sa Kursk region sa Russia niadtong Enero 2025. Sila ang unang North Korean nga mga sundalo nga nadakpan nga buhi sukad miapil ang Pyongyang sa gubat niadtong 2024 aron motabang sa Russia.

Kaniadto, wala mokumpirma ang South Korea sa pag-abot sa mga sundalo tungod sa kabalaka sa ilang kaluwasan ug sa kaluwasan sa ilang mga pamilya nga nagpabilin sa North Korea.

Gihisgutan sa Seoul ug Kyiv ang posibleng pagbalhin human mipahayag ang duha ka sundalo nga gusto nilang moadto sa South Korea, sumala sa usa ka opposition lawmaker sa Seoul.

Nahimo ang pagbalhin samtang gisuportahan sa South Korea ang mga paningkamot nga buhion pag-usab ang panag-istorya uban sa North Korea, samtang gipahayag pag-usab ni US President Donald Trump ang iyang pagkaandam nga makig-engage sa Pyongyang. -Ato ni Bai