Senator Villanueva, Gustong Himuong Permanenteng Balaod ang Merit Scholarship Program

Giduso ni Senator Joel Villanueva nga himuong permanenteng balaod ang merit scholarship program sa gobyerno, nga nagpasiugda nga ang mga Filipino student nga maayo sa pag-eskwela angay adunay kahigayonan nga makakuha og dekalidad nga edukasyon bisan unsa pa ang ilang kahimtang sa panalapi.

Miingon si Villanueva, principal sponsor sa Senate Bill No. 2410—o ang proposed Presidential Merit Scholarship Program Act—nga tumong sa maong lakang nga himuong permanente ang kasamtangang Bagong Pilipinas Merit Scholarship Program ug magtukod og long-term national framework. Ang kasamtangang programa nagsuporta sa 20,000 ka scholars sa tibuok nasud.

“Kung may talino, may sipag, at may pangarap ang isang batang Pilipino, hindi dapat salapi at kahirapan ang dahilan para hindi po siya makatapos ng pag-aaral,” matod ni Villanueva, kinsa chair sa Senate Committee on Higher, Technical and Vocational Education ug co-chair sa Second Congressional Commission on Education (EDCOM II).

Ubos sa proposed bill, mahimong maka-apply sa scholarship ang kwalipikadong senior high school graduates gikan sa public ug private institutions:

Higher Education Track: Abri sa mga aplikante nga apil sa top 1% sa ilang graduating class o adunay General Weighted Average (GWA) nga labing menos 95%.

Technical-Vocational Track: Abri sa mga aplikante nga mokuha og Technical and Vocational Education and Training (TVET) diploma programs ug adunay GWA nga labing menos 85%.

Aron masiguro ang patas nga pag-apod-apod, dili mahimong dungan nga makadawat ang mga aplikante og susamang benepisyo gikan sa laing national government scholarship.

“Walang lamang kung galing sa public o private school. Kung may galing, sipag, at pangarap, dapat may patas na pagkakataon,” pagpasabot ni Villanueva.

Gawas sa tuition, naghatag usab ang bill og komprehensibong pinansyal nga suporta—lakip ang allowances alang sa adlaw-adlaw nga panginahanglan ug transportasyon, mga libro, internet connectivity, internships, thesis research, ug board examination fees.

“A scholarship should not simply open the school gate. It should help the student cross the graduation stage,” matod ni Villanueva.

Aron direktang masumpay ang edukasyon ug trabaho, kinahanglan nga mo-enroll ang mga scholars sa priority programs nga nahiuyon sa national development. Lakip sa mga importanteng natad ang healthcare, agriculture, science and engineering, education, artificial intelligence, cybersecurity, advanced manufacturing, ug uban pang emerging industries. Makapili ang mga benepisyaryo tali sa priority undergraduate programs o TVET diploma courses ubos sa Technical Education and Skills Development Authority (TESDA).

Human sa graduation, obligadong mohatag og return service ang mga scholars sulod sa Pilipinas pinaagi sa employment, professional practice, research, teaching, public service, o pagtrabaho sa importanteng mga industriya.

Gipasabot ni Villanueva nga ang kasamtangang mga benepisyaryo sa Bagong Pilipinas program magpadayon sa pagdawat sa ilang mga benepisyo ug diretsong maapil ubos sa bag-ong balaod. Ang pagpasa sa SB 2410 ngadto sa balaod magpanalipod sa programa batok sa mga kausaban sa administrasyon ug nag-usab-usab nga political priorities.

“Hindi lang po ito scholarship para makapagtapos. Scholarship ito para may mapuntahan ang galing ng Pilipino,” dugang ni Villanueva. “Merit should recognize excellence, but poverty should never disqualify excellence.”