Senator Pia Cayetano: Wala nagtago, misuporta sa Padel team sa Singapore

Giklaro ni Senator Pia Cayetano niadtong Biyernes nga wala siya nagtago, ug gipasabot nga miadto siya sa Singapore aron mosuporta sa Philippine Padel National Team sa wala pa ang Asian Games.

Gitubag ni Cayetano ang mga pangutana bahin sa iyang nahimutangan human gikumpirma sa Bureau of Immigration (BI) niadtong Huwebes nga mibiya sa nasod sila sa iyang igsoon nga si Senator Alan Peter Cayetano.

Nakit-an kuno ang duha ka senator sa usa ka airport pipila ka adlaw ang milabay, nga nakapukaw og mga pangutana bahin sa hinungdan sa ilang pagbiya.

“Itong Singapore, sinadya kong pumunta because this is the tune-up game before the Asian Games,” matod ni Pia Cayetano atol sa Facebook Live.

Giklaro usab niya nga dili tinuod nga tinuyo siyang nagtago.

“Daming nagtatanong kung nasaan daw ako, parang naman nakikipag-taguan ako. Hindi ako nakikipagtaguan, wala akong tinataguan, wala akong reason na magtago, yung gumagawa ng mga kwento, tingin niyo ba na tama yung gagawa ng kwento?” dugang niya.

Mibiya sa nasod ang duha ka senator samtang nagpadayon ang managlahing imbestigasyon sa mga ahensya sa gobyerno bahin sa mga isyu nga nalambigit sa ilang political activities.

Giimbestigahan sa National Bureau of Investigation (NBI) ang giingong mga iregularidad kalabot sa pag-host sa Pilipinas sa 2019 Southeast Asian Games, diin si Alan Cayetano maoy chairman sa organizing committee.

Samtang, nagpadayon ang imbestigasyon sa Office of the Ombudsman, diin gisusi ang mga dokumento ug ubang ebidensiya nga gisumite ni Senator Panfilo Lacson kalabot sa reclamation project sa Taguig City sa Laguna Lake.

-Ato ni Bai