Senator Mark Villar miapil sa Senate majority aron mapadayon ang kalig-on — Gatchalian

Gipahayag ni Senate President Sherwin Gatchalian nga ang desisyon ni Senator Mark Villar nga moapil sa majority bloc nagtumong sa ilang hiniusang tumong nga mapadayon ang kalig-on sa Senado ug masiguro nga walay hunong ang pag-aprobar sa mga balaod.

Matod ni Gatchalian, dugay na silang suod nga managhigala ni Villar, nga bag-ohay lang mibiya sa minority bloc, ug kanunay silang maghisgot bahin sa direksiyon sa Senado.

“Sa aming pag-uusap, pareho naman ang aming ninanais na maging stable ang Senado at maging dire-diretso ang trabaho lalo na sa mga legislation at ‘yung mga dapat gawin para umangat ‘yung ating ekonomiya,” matod ni Gatchalian sa mga tigbalita.

Gipunting usab niya ang kasinatian ni Villar sa negosyo ug ekonomiya. “Si Mark kasi, kilala ko, isa rin ’yan sa ating mga magagaling na negosyante, economist. May masters degree ’yan in Business Economics so mahalaga ’yung kaniyang matutulong sa grupo,” matod niya.

Dugang ni Gatchalian, nakahukom si Villar nga moapil sa majority bloc human niya makita nga nagpadulong sa hustong direksiyon ang Senado.

“So kung kausap ko siya — madalas naman kami mag-usap — at nakita niya na ang direksiyon naman ng Senado ngayon ay maayos kaya sumama sya to bring stability,” dugang niya.

Pormal nga miapil si Villar sa majority bloc niadtong Huwebes, Oktubre 8, human niya makuha ang pagkapangulo sa Senate Committee on Public Works. Gitudlo usab siya isip miyembro sa Commission on Appointments, diin gipulihan niya si Senate Majority Leader Juan Miguel Zubiri.

Tungod sa iyang pagbalhin, misaka ngadto sa 14 ka senador ang miyembro sa majority bloc, samtang 10 na lamang ang nahibilin sa minority bloc.

Nahitabo ang maong pagbag-o sa mga grupo sa Senado samtang nagpadayon ang pagdungog sa impeachment case batok kang Vice President Sara Duterte, nga nakapatunghag mga pangutana kon ang pagbalhin sa mga miyembro sa bloc mahimong makaapekto sa mga proseso sa kaso.

Una nang misupak si Villar sa iyang kanhing mga kauban sa minority bloc niadtong Setyembre 23, sa dihang mibotar siya pabor sa pag-usab sa pormula nga gigamit sa pagtino sa gidaghanon sa mga boto nga gikinahanglan aron makombikto si Duterte.

Bisan pa niini, matod ni Gatchalian, ang resulta sa impeachment trial magdepende gihapon sa mga ebidensiya ug sa paagi sa pagtimbang niini sa mga senator-judges.

“Lahat ‘yan ay babagsak sa ebidensya at kung paano ma-appreciate ng senator-judges ang ebidensya,” matod niya.

-Ato Ni Bai