Senator Legarda Nagpatambal sa Seryosong Sakit sa Baga — Zubiri

Dili pa sigurado kung kanus-a makabalik sa Senate si Senator Loren Legarda samtang padayon siyang nagpatambal sa seryosong sakit sa baga, matod ni Senate Majority Leader Juan Miguel “Migz” Zubiri niadtong Huwebes.

Sa usa ka press conference, miingon si Zubiri nga gusto ni Legarda nga makabalik sa Pilipinas sa labing dali nga panahon, apan kinahanglan una niyang mahuman ang sunod-sunod nga medical tests.

“She wants to come home as soon as possible, tatapusin lang test,” matod ni Zubiri.

Wala makasulti si Zubiri kung kinahanglan bang dugangan ang panahon sa pagkawala ni Legarda tungod sa kaseryoso sa iyang kahimtang.

“I don’t know. Serious condition niya,” matod niya.

Miingon siya nga nagpatambal si Legarda sa sakit sa baga nga nanginahanglan og dugang nga pag-atiman sa medisina.

“It’s a lung illness, seeking medical attention which need heavy medical attention. Serious matter,” matod niya.

Nangayo usab si Zubiri og pagsabot gikan sa publiko ug sa mga kauban ni Legarda nga mga Senator samtang padayon ang iyang pagtambal.

“I think she is in the hospital. Tayong mga Pinoy, bigyan naman ng konting consideration,” matod niya.

-Ato Ni Bai