Senator Alan Cayetano misuporta sa legal nga imbestigasyon sa Taguig

Misuporta si Senator Alan Peter Cayetano sa mga imbestigasyon sa giingong ghost ug irregular projects sa Taguig, apan gipasiugda niya nga kinahanglan magpabilin sulod sa balaod ang mga paningkamot sa pagbutyag sa korapsyon.

Gipahayag kini ni Cayetano atol sa livestream niadtong Oktubre 2 taliwala sa iyang lalis kang Senator Panfilo Lacson bahin sa giingong ghost projects ug illegal reclamation activities sa iyang home city.

“We submit completely to all those Constitutional principles, departments, bodies – whether it's the Ombudsman, DOJ (Department of Justice), NBI (National Bureau of Investigation), at kung ano man na investigative body. Dapat masunod iyan… Imbestigahan niyo kasi karapatan niyo iyan. That's why I say I respect all the ongoing investigation,” matod niya.

“We believe in the law. Abogado ako. I took an oath to uphold the Constitution and to follow the law. But the investigation has to be fair,” dugang niya.

Matod ni Cayetano, giila niya ang awtoridad sa mga ahensiya sa gobyerno nga mag-imbestigar sa giingong mga sayop, apan gikuwestiyon niya ang mga pamaagi nga gigamit ni Lacson sa paghimo sa kaugalingon niyang mga imbestigasyon sa mga proyekto sa Taguig.

Giakusahan usab ni Cayetano ang team ni Lacson nga gipugos ang mga contractor sa pagpirma sa daan nang giandam nga mga affidavit, ug matod niya, ang maong mga lihok usa ka pagpamugos imbes nga lehitimong pagpangita sa mga kamatuoran.

“Kapag sinubo mo ang isang affidavit sa isang tao, (at sinabing) ‘pirmahan mo iyan, kung hindi, kakasuhan kita,’ that's asking him to give false testimony,” matod niya.

“My point is, in everything we do, the process is important. Hindi pwedeng ‘the end justifies the means,’” dugang niya.

Nanawagan si Cayetano nga ang mga imbestigasyon sa Taguig ug ubang flood control projects ipahigayon pinaagi sa patas ug evidence-based nga proseso, ug nagpasidaan batok sa sobra nga paggamit sa gahum sa imbestigasyon.

“It has to be done with the right methodology. It has to be done na factual,” matod niya.

Matod niya, nagpadayon ang mga lihok ni Lacson tungod kay “he feels that he is above the law at this point in time, but wala namang forever diyan.”

Giawhag usab ni Cayetano ang mga Pilipino nga mosulti batok sa iyang gihulagway nga selective investigations, ug matod niya, mahimong makadugang pa kini sa kasamtangang mga problema sa nasod.

“Let me talk to all Filipinos regardless of our religion. Iisa bansa natin… Ang dami-dami na nating problema, bakit pa natin pinapadami at pinalalaki pa ang sarili natin mga problema?” matod niya.

“Siguro dapat bilang mga Pilipino, matuto din tayo magsabi when enough is enough,” dugang niya.

-Ato ni Bai