Senate Panel Miendorso sa ₱28-Bilyong Budget sa DENR
Giendorso sa Senate Finance Subcommittee alang sa paghisgot sa plenaryo ang gisugyot nga ₱28.04-bilyong budget sa Department of Environment and Natural Resources (DENR) ug sa mga ahensyang sakop niini alang sa 2027. Nanawagan si Sen. Risa Hontiveros, nga nangulo sa pagdungog, nga dugangan ang pondo sa departamento aron maandaman ang posibleng super El Niño.
Ato ni Bai
October 21, 2026 at 6:34:45 AM

DENR Secretary Juan Miguel Cuna said P20.62 billion of the proposed allocation would fund the department’s central office, staff bureaus, regional offices and other smaller offices.
Joseph Vidal/ Senate Social Media Unit
Giendorso sa Senate Finance Subcommittee alang sa paghisgot sa plenaryo ang gisugyot nga ₱28.04-bilyong budget sa Department of Environment and Natural Resources (DENR) ug sa mga ahensyang sakop niini alang sa 2027. Nanawagan si Sen. Risa Hontiveros, nga nangulo sa pagdungog, nga dugangan ang pondo sa departamento aron maandaman ang posibleng super El Niño.
Atol sa pagdungog sa budget, matod ni DENR Secretary Juan Miguel Cuna, ₱20.62 bilyon sa gisugyot nga pondo ang igahin alang sa sentrong opisina sa departamento, mga bureau, mga opisina sa rehiyon, ug uban pang gagmayng opisina.
Ang nahibiling ₱7.42 bilyon ipang-apod-apod sa mga ahensyang sakop sa DENR, lakip ang ₱3.1 bilyon alang sa Environmental Management Bureau (EMB), ₱1.98 bilyon alang sa National Mapping and Resource Information Authority (NAMRIA), ug ₱1.89 bilyon alang sa Mines and Geosciences Bureau (MGB).
Makadawat usab ang National Water Resources Board (NWRB) og ₱284.35 milyon, samtang ₱149.3 milyon ang igahin alang sa Palawan Council for Sustainable Development Staff (PCSDS).
Giawhag ni Hontiveros ang DENR nga palig-onon ang pagpangandam ug mga lakang sa emerhensiya tungod sa hulga sa super El Niño nga mahimong hinungdan sa grabeng hulaw sa daghang lugar.
“Hindi pwedeng taumbayan lang ang mag-aadjust (the public shouldn’t be the only ones expected to adjust). DENR must step up to a historic challenge. It will be a critical and leading agency in the government’s response to this looming risk of widespread drought," matod ni Hontiveros.
"The agency’s work will have real, tangible implications for the economy, health and daily living conditions of millions,” dugang niya.
Matod ni Hontiveros, kinahanglan adunay igong pondo ang DENR alang sa pagpangandam sa hulaw ug paghatag og hinabang sa emerhensiya aron maminusan ang epekto niini sa mga pamilya ug komunidad.
“Filipino people expect agility in the response and fitness for purpose of the budgets of frontline agencies such as the DENR. Its budget should reflect this," matod niya.
"Dapat buhusan ng pondo ang paghahanda at emergency response sa paparating na tagtuyot para maibsan ang dagok nito sa bawat Pilipino,” dugang ni Hontiveros.
Nanawagan usab siya nga mamuhunan sa gagmayng mga pasilidad nga makatipig og tubig-ulan aron magamit panahon sa hulaw.
Giawhag pa ni Hontiveros ang gobyerno nga mangita og ubang tinubdan sa limpyo ug mainom nga tubig, lakip ang mga atmospheric water station nga gimugna sa Local Water Utilities Administration. -Ato ni Bai
%20(100%20x%20100%20px).png)