Sen. Erwin Tulfo, gipasiugda pag-usab ang MIND Act batok sa substandard nga mga proyekto

Gipasiugda pag-usab ni Senate Blue Ribbon Committee Chairman Erwin Tulfo ang usa ka lakang nga maghimo og dugayng integrated national infrastructure plan, human matod niya gibutyag sa bag-ong mga pagbaha ang padayong mga problema sa mga public works project sa gobyerno.

Gisuportahan ni Tulfo ang gisugyot nga “Masterplan for Infrastructure and National Development (MIND) Act,” nga nagtumong sa paghimo og komprehensibo ug konektadong infrastructure roadmap sa tibuok Pilipinas. Pending pa karon ang maong lakang sa Senate Committee on Economic Affairs.

Miingon si Tulfo nga ang dugayng pag-ulan ug pagbaha sa milabay nga mga bulan nagbutyag sa mga kahuyang sa public works, lakip ang substandard nga mga dalan ug tulay, ingon man mga proyektong wala mahuman tungod kay ang unang mga hugna lamang niini ang napondohan.

“The continuous heavy rains exposed substandard public works like bridges and roads. We also have unfinished projects where initial phases received funding, but subsequent phases were left hanging,” matod ni Tulfo.

Gisaway usab niya ang pag-usik sa kwarta sa katawhan sa mga proyektong walay resulta tungod sa kakulang sa hustong pagplano.

“We are spending taxpayers’ money on these unfinished projects only to yield zero benefit—all because of a fundamental lack of planning,” dugang ni Tulfo.

Gipasiugda sa senador nga importante ang pagpasa sa MIND Act samtang nangandam ang Senado sa paghisgot sa gisugyot nga 2027 national budget. Giawhag niya ang mga ahensya nga magtinabangay sa pagtino sa mga proyektong wala mahuman ug pagsiguro nga ang bag-ong public works projects nahiuyon sa national ug local development plans.

“We must triple our efforts to identify and complete hanging projects. Any new project about to start must be synchronized with development plans down to the local level,” matod ni Tulfo.

Gipasiugda usab niya nga ang pagplano sa imprastraktura kinahanglan molapas sa mga termino sa mga politiko ug makasugakod sa nagkagrabeng epekto sa klima.

“Infrastructure projects should stand the test of time, extreme weather, and changing political climates. They must remain functional regardless of who is in power,” matod niya.

Misaad na kaniadto si Tulfo nga maglunsad og pormal nga imbestigasyon sa Senado bahin sa substandard nga mga infrastructure project nga nabutyag tungod sa padayong kusog nga ulan ug pagbaha. -Ato ni Bai