Sen. Alan Cayetano, relief una kaysa panaglalis sa politika bahin sa flood projects

Gipasiugda ni Senate Minority Leader Alan Peter Cayetano nga mas angay unahon ang pagtabang sa mga komunidad nga grabeng naapektuhan sa bagyo ug baha kaysa makiglalis sa politika bahin sa mga alegasyon ni Sen. Panfilo Lacson sa flood-control projects sa Taguig City.

Sa Facebook livestream niadtong Setyembre 4, miingon si Cayetano nga mahimo niyang tubagon matag usa ang mga alegasyon ni Lacson, apan dili tukma nga makiglalis siya sa politika samtang daghang Pilipino ang nag-antos gihapon tungod sa grabeng pagbaha.

“How can I talk about Taguig, the defense, and all of this, seeing that there’s so much suffering going on?” matod ni Cayetano. “Although I can answer him point by point… there are more important and urgent things like taking care of people with immediate needs.”

Gipasiugda niya nga daghang komunidad nga gibahaan ang wala pa makadawat og igong relief o rehabilitation assistance, ilabi na nga nagpadayon ang pag-ulan. Giawhag niya ang gobyerno nga unahon ang hinanaling tabang, uban sa ubang importanteng isyu sama sa healthcare, trabaho, ug kanunay nga pagkansela sa klase tungod sa daotang panahon.

“Hindi pa nga nabibigay lahat ng relief. ’Yung pong sobra ang tama, tapos humupa na po or bumaba na ’yung tubig, wala pa ngang rehabilitation program. ’Yung iba, hindi pa bumaba ’yung tubig, umuulan ulit,” dugang ni Cayetano.

Gitawag usab ni Cayetano nga “trial by publicity” ang gihimong paghisgot ni Lacson sa mga alegasyon, human mosumite ang senador og mga dokumento ngadto sa Office of the Ombudsman.

Giawhag niya si Lacson nga tugotan ang anti-graft body nga maghimo sa kaugalingong imbestigasyon nga dili himuong isyu sa media ang kaso. Giakusahan usab niya si Lacson nga naghimo og politikal nga “witch hunt” ug “trial by publicity” nga wala, matod niya, konkretong ebidensya.

“Araw-araw for the last three months, parang striptease tapos wala namang tunay na ebidensya, panay po akusasyon,” matod ni Cayetano. “Hinahanap lang lahat eh. ’Yung kahit wala, ’yung parang naghanap ka ng multo na wala doon, gumagawa ng storya.”

Bisan pa sa iyang paghulagway sa mga alegasyon nga malisyoso, miingon si Cayetano nga andam siyang mokooperar sa Ombudsman ug nagsalig nga masunod ang due process.

“No one is above the law. We welcome an honest-to-goodness, fair investigation,” matod niya, ug midugang nga iyang hatagan ang anti-graft agency og “benefit of the doubt” aron hingpit nga maimbestigahan ang tanang personalidad nga nalambigit.

Nagpahayag usab si Cayetano og pagsalig nga malimpyohan ang iyang ngalan sa imbestigasyon ug makita ang politikal nga motibo, matod niya, sa mga pag-atake ni Lacson, nga iyang giugnay sa iyang pagdagan pagka-Senate President.

“Hindi n’yo napansin po, since May 11 po, halos araw-araw niya po akong tinitira, tinutuligsa? Nag-umpisa lang naman ito n’ung tumakbo po ako bilang Senate President at naging Senate President,” matod ni Cayetano. “We are confident that once everything is submitted, we will not only be cleared, but makikita ’yung intention ni Senator Ping.” -Ato ni Bai