Saudi Arabia, Turkey, Pakistan Magtigom Alang sa Unang Defense Pact Conference

Magtigom sa Istanbul sa Lunes ang mga taas nga opisyal gikan sa Turkey, Saudi Arabia, ug Pakistan alang sa unang committee meeting ubos sa hiniusang defense agreement nga ilang gipirmahan karong bulana, matod sa usa ka tinubdan sa Turkish foreign ministry.

Ang “Mecca Joint Defense Agreement,” nga gipirmahan niadtong Agosto 7, naghiusa sa tulo ka Sunni Muslim nga kaalyado sa US nga nabalaka sa gubat sa Iran ug sa panagbangi sa rehiyon nga miresulta sa pagpabuto sa Iran og mga missile ngadto sa mga nasod sa Gulf nga nag-eksport og lana.

Tumong niini nga palig-onon ang hiniusang depensa batok sa bisan unsang pag-atake ug nagtakda nga ang armadong pag-atake batok sa bisan asa sa tulo ka nasod isipon nga pag-atake batok kanilang tanan, susama sa collective defense clause sa Article 5 sa NATO.

Motambong sa tigom sa Istanbul ang foreign ug defense ministers, ingon man ang chiefs of staff sa tulo ka nasod, matod sa tinubdan sa ministry.

“International security issues will be on the agenda,” matod sa tinubdan, diin gilaum nga hisgutan ang pagpalig-on sa kapabilidad sa depensa, mas maayong koordinasyon tali sa ilang armed forces, ug mas lawom nga kooperasyon sa defense industry, lakip ang hiniusang produksyon ug pagpalambo.

Parehas nga nabalaka ang tulo ka nasod sa baruganan militar sa Israel ug revolutionary Shi’ite Iran, samtang naglisod ang ilang dugay nang kaalyado nga US sa pagpugong sa kagubot sa rehiyon nga maoy hinungdan sa global energy crisis.

Unom ka bulan sukad gilunsad sa US ug Israel ang gubat batok sa Iran, wala gihapoy kalamboan sa negosasyon ug gipakusog sa administrasyon ni President Donald Trump ang mga lakang aron silotan sa pinansyal nga paagi ang Iran pinaagi sa gitawag niini nga “economic D-Day.”

Miingon ang Turkey, nga adunay ikaduhang pinakadakong military sa NATO, nga bukas sa pagpalapad ang kasabutan niini uban sa nuclear-armed Pakistan ug Saudi Arabia, ang nag-unang oil exporter, diin posibleng maapil ang Egypt. Gipatin-aw usab niini nga wala gituyo sa kasabutan nga pulihan ang kasamtangang mga alyansa. -Ato ni Bai