Russia ‘Dili Pa Andam’ sa Ceasefire alang sa mga Barkong Nagkarga og Produktong Agrikultural — Zelenskiy

Miingon si Ukrainian President Volodymyr Zelenskiy nga “not ready” ang Russia sa ceasefire sa mga pag-atake batok sa mga barko sa Black Sea nga nagkarga og mga produktong agrikultural, tungod kay gusto sa Moscow nga ilakip sa bisan unsang kasabotan ang mga pag-atake sa Russian refineries ug pipelines.

Nag-akusaray ang Moscow ug Kyiv, nga dagkong mga nasud sa tibuok kalibotan sa merkado sa agrikultura, sa pagpakusog sa mga pag-atake sa mga barkong gigamit sa pag-eksport og pagkaon atol sa gubat sa Russia sa Ukraine.

Gitaho sa Reuters ning bulana nga nagpadala ang Ukraine og tanyag sa Russia nga hunongon ang mga pag-atake sa mga sibilyang target sa Black Sea. Gisalikway sa Russia ang ideya, nga miingon nga wala kini makakitag basehan alang sa “half-measures” nga makahatag og pahulay sa pikas bahin.

“I spoke with certain leaders. I proposed that they use their vessels to transport food from our ports, and we would not attack their ships if they came to pick up agricultural exports from Russia,” matod ni Zelenskiy sa mga journalist sa mga pahayag nga gitugot nga ipagawas niadtong Domingo.

Apan matod niya, gusto sa Moscow og bayloay nga kasabotan diin hunongon niini ang mga pag-atake sa grain corridor sa Ukraine kung hunongon usab sa Kyiv ang mga pag-atake sa imprastraktura sa enerhiya sa Russia.

“For (Russia), it’s not about the grain. It’s exclusively about their energy sector, but the two are not comparable,” matod ni Zelenskiy.

Matod niya, ang bisan unsang kasabotan nga mohunong sa mga pag-atake sa Ukraine sa Russian oil refineries ug transportasyon sa gasolina kinahanglan usab maglakip sa susamang paghunong sa mga pag-atake sa sistema sa enerhiya sa Ukraine.

Wala dayon mokomento ang Russia, nga misulong sa Ukraine niadtong Pebrero 2022, sa mga pahayag ni Zelenskiy. Miingon ang Kremlin niadtong Lunes nga naghimo kini og mga lakang aron mamenosan ang epekto sa mga pag-atake sa Ukraine sa pag-eksport og trigo sa Russia.

Gipakusog sa Ukraine sa bag-ohay nga mga semana ang mga pag-atake niini sa mga target nga may kalabotan sa ekonomiya sa Russia, lakip ang mga terminal sa pag-eksport og trigo.

Niaging tingtugnaw, nga mao ang labing grabe sukad nagsugod ang gubat, milyon-milyong Ukrainian ang kanunay nga nawad-an og kuryente ug pagpainit samtang gipunting sa Russia ang sistema sa kuryente sa Ukraine, nga nakapabalaka sa daghang tawo sa umaabot nga mga bulan.

-Ato Ni Bai