Rep. Martin Romualdez Ibalhin Gikan sa PGH Ngadto sa Payatas Jail

Gimando sa Sandiganbayan Third Division niadtong Lunes ang pagbalhin kang former House Speaker Ferdinand Martin Romualdez ngadto sa New Quezon City Jail sa Payatas human sa independent medical evaluation nga nagdeklarar nga angay siyang i-detain.

Gisunod ang maong mando human sa testimonya ni University of the Philippines-Philippine General Hospital (UP-PGH) Director Dr. Gerardo Legaspi, kinsa misulti sa anti-graft court nga bisan kinahanglan ni Romualdez ang padayong pagtambal alang sa iyang kasamtangang mga kondisyon sa panglawas, wala siyay medical need nga magpabilin sa ospital.

“In view of the findings of the UP-PGH in its letter dated Sept. 13, 2026 and the foregoing testimonies of Doctors Legaspi, Del Rosario, and Fabro, the court hereby orders the transfer of custody of accused Romualdez to the Quezon City Jail,” pahayag ni Associate Justice Karl Miranda, chairperson sa Third Division.

“Accordingly, the court commits to the Quezon City Jail male dormitory the living person of accused Romualdez who is charged for the crime of plunder,” dugang ni Miranda.

Gimando usab sa tribunal nga dili mahimong ibalhin si Romualdez ngadto sa bisan unsang laing pasilidad nga walay daang pagtugot gikan sa korte.

Atol sa hearing niadtong Lunes, mitestigo si Legaspi nga walay grabeng medical instability si Romualdez, hingpit siyang makahimo sa batakang pag-atiman sa iyang kaugalingon, ug walay gipakitang risgo nga pasakitan ang iyang kaugalingon.

Nakaplagan sa UP-PGH evaluation nga ubos ang risgo ni Romualdez nga makasinati og umaabot nga heart attack, ug giingon nga ang iyang hypertension, diabetes, ug chronic cerebrovascular disease “controlled” karon.

Sa pakighinabi sa mga reporter human sa hearing, gipasabot ni Legaspi nga usa ka multi-specialist team ang nagsusi kang Romualdez pinaagi sa physical examinations, laboratory tests, patient interviews, ug advanced medical procedures. -Ato ni Bai