President Marcos sa mga Pagpanaway ni VP Duterte: ‘You cannot force anyone to love you’

Miingon si President Ferdinand R. Marcos Jr. nga wala siyay tubag sa mga akusasyon ni Vice President Sara Duterte batok kaniya, ug gisugyot nga ang mga pag-atake niini mahimong tungod sa kasuko sa mga legal nga problema nga iyang giatubang.

Sa usa ka media briefing niadtong Domingo human sa iyang pagtambong sa 18th BRICS Summit sa New Delhi, India, gipangutana si Marcos bahin sa mga pahayag ni Duterte, lakip ang iyang alegasyon nga adunay giingong plano batok kaniya.

Matod sa Presidente, madungog lamang niya ang mga akusasyon apan wala siya mobati nga kinahanglan niya kining tubagon.

“You know, I hear about them, but I don’t really even have a response. If she feels very angry, I suppose, with what’s happening to her. And I am the target of that anger, or the main target of that anger. What can I do?” matod ni Marcos.

“You cannot force anyone to love you,” dugang niya.

Nahitabo ang maong panagbinayloay taliwala sa nagpadayong political ug legal tensions tali nila Marcos ug Duterte, kinsa nag-atubang og criminal case sa usa ka korte sa Quezon City tungod sa grave threats batok sa First Couple ug former Speaker Martin Romualdez.

Ang Presidente ug Bise Presidente, nga midagan ug midaog sa 2022 elections ubos sa usa ka unity platform, nahimong political rivals sukad niadto, samtang nag-atubang usab si Duterte og impeachment proceedings.

Bag-ohay lang giakusahan ni Duterte si Marcos nga nagplano batok kaniya, lakip ang giingong plano nga naglambigit kang former President Rodrigo Duterte ug mga hulga sa iyang kaugalingong kaluwasan.

Gisalikway sa Malacañang ang mga alegasyon isip walay ebidensyang nagsuporta niini. -Ato ni Bai