PH Senate kinahanglan magpabiling ‘safe space’ alang sa kababayen-an — Atty. Lorna Kapunan

Gihisgutan ni House prosecution counsel Lorna Kapunan ang pagpasa sa Senate sa Safe Spaces Act human gibatikos ni Senator Raffy Tulfo ang usa ka miyembro sa prosecution team atol sa impeachment trial ni Vice President Sara Duterte.

Gipahayag kini ni Kapunan niadtong Huwebes human giakusahan ni Tulfo ang usa ka prosecutor nga “trying to be cute” samtang nangutana sa usa ka police officer nga mitungha isip saksi atubangan sa Senate.

“Let me just say that I think the Senate should be reminded that it was the Senate that passed the Safe Space Law,” matod ni Kapunan atol sa press briefing.

Bisan pa nga nagtuo siyang posibleng wala tuyoa ang komento ni Tulfo, gipasiugda ni Kapunan nga kinahanglan magpabiling matinahuron ang palibot sa upper chamber.

“So we are believing that could be a misstatement, but still believing that the Senate is a safe space for women like us, and for senior citizens like me,” dugang niya.

Kaniadto, gikuwestiyon ni Tulfo ang pagpresentar sa prosecution sa mga saksi ug gitambagan ang mga prosecutor nga mangitag paagi aron magpabiling interesado ang mga senator-judge atol sa proceedings. Gihisgutan niya ang usa ka higayon diin giingong gibinuangan ang usa ka saksi tungod kay ang usa ka prosecutor “was trying to be cute while talking to the police officer.”

Wala hinganli ni Tulfo ang prosecutor nga iyang gipasabot.

Ang Republic Act No. 11313, o Safe Spaces Act, gipirmahan isip balaod niadtong Abril 2019 aron matubag ang gender-based sexual harassment sa public spaces, online platforms, workplaces, ug educational institutions. Niadtong Enero 2025, unanimously nga giaprobahan sa Senate sa third reading ang usa ka bill aron dugang nga mapalig-on ang balaod.

-Ato ni Bai