PH gov't giawhag nga motabang samtang moatubang og US hearing ang anak ni Percy Lapid

MANILA – Giawhag ni Senator Risa Hontiveros niadtong Biyernes ang gobyerno sa Pilipinas nga palig-onon ang mga paningkamot aron masiguro ang pagpagawas sa anak sa gipatay nga broadcaster nga si Percy Lapid gikan sa U.S. immigration detention, samtang gitakda siyang moatubang sa immigration court eksaktong upat ka tuig human sa pagpatay sa iyang amahan.

Detained si Mark Mabasa sa Adelanto Immigration and Customs Enforcement (ICE) Processing Center sa California sukad Setyembre 21, samtang pending pa ang asylum case sa iyang pamilya. Wala pa gipadayag sa publiko ang espesipikong rason sa iyang detention.

“It is unacceptable that a person who has been seeking asylum is detained without a clear reason,” matod ni Hontiveros.

“Matagal nang nag-apply ng asylum si Mark at ang iba pang myembro ng pamilya ni Percy Lapid pagkatapos ng katakot-takot na mga death threats dito sa Pilipinas (Mark and other members of Percy Lapid's family applied for asylum a long time ago following the terrifying death threats they received here in the Philippines). Our government should be able to help expedite his release as soon as possible,” dugang niya.

Gitakda ang immigration hearing ni Mabasa sa Biyernes, Oktubre 2, nga natunong sa ikaupat nga anibersaryo sa pagpatay sa iyang amahan, kansang tinuod nga ngalan mao si Percival Mabasa.

Matod ni Hontiveros, iyang gipahibalo ang kaso ni Mabasa kang Philippine Ambassador to the United States Jose Manuel Romualdez, U.S. Ambassador to the Philippines Lee Lipton, ug Philippine Consul General in Los Angeles Adel Cruz.

Kaniadto gikumpirma ni Romualdez nga nakig-coordinate ang Philippine consulate sa U.S. authorities bahin sa kaso ni Mabasa. Gibisita usab sa consular officials si Mabasa sa detention ug matod nila, andam silang mohatag og tabang sulod sa ilang mandato ug sa U.S. laws.

Nangayo og asylum sa U.S. ang pamilya Mabasa human makadawat og mga hulga human sa pagpatay kang Lapid. Gi-report nga mibiya si Mark ug ubang mga miyembro sa pamilya sa Pilipinas paingon sa U.S. niadtong Pebrero 2023.

-Ato ni Bai