New Zealand Naval Ships Miagi sa Gilalisang Taiwan Strait

Miagi ang duha ka naval ships sa New Zealand sa Taiwan Strait sa ulahing bahin sa miaging semana, matod sa New Zealand Defence Force niadtong Lunes, taliwala sa tensyon bahin sa agianan sa tubig nga giangkon sa China ug giisip sa Taiwan ug US isip international waters.

Sama sa kadaghanang nasod, walay formal diplomatic ties ang New Zealand sa Taiwan, apan alang sa Taipei, importante kini nga demokratikong partner nga susama og panglantaw. Ang duha adunay de facto embassies sa kapital sa usag usa.

Ang pag-agi niadtong Setyembre 18 sa naval frigate Te Mana ug oiler Aotearoa kabahin sa tulo ka bulan nga deployment sa Indo-Pacific, matod sa spokesperson sa Defence Force.

“New Zealand Defence Force deployments to the region demonstrate our continued interest and commitment to the region,” dugang sa spokesperson sa usa ka pahayag.

Gitawag kini ni Prime Minister Christopher Luxon nga “a routine activity” ug miingon nga wala siya magdahom og backlash gikan sa China, ang kinadak-ang trading partner sa nasod.

“It’s conducted in a safe and professional way. It’s conducted under international law, it’s in international waters,” matod ni Luxon sa mga reporter sa Wellington.

Wala mitubag ang China’s Defence Ministry sa hangyo alang sa komento.

Miingon ang spokesperson sa Chinese Foreign Ministry nga wala mausab ang posisyon sa gobyerno bahin sa maong pag-agi sa mga langyaw nga navy. Wala siya mohatag og dugang detalye.

CHINA CLAIMS STRAIT AS ITS WATERS

Giangkon sa China, nga nag-isip sa democratically governed Taiwan isip kaugalingong teritoryo, nga kini lamang ang adunay sovereignty ug jurisdiction sa strait. Gisalikway sa Taipei ang mga pag-angkon sa Beijing.

Miingon ang US ug Taiwan nga ang strait, usa ka ruta sa pamatigayon nga agianan sa mga katunga sa global container ships, usa ka international waterway. Ang New Zealand usa sa duha lamang ka dagkong nasod, uban sa Singapore, nga adunay free trade pact sa Taiwan.

Miingon ang Taiwan’s defence ministry nga tungod kay international waterway ang strait, ang tanang nasod adunay kagawasan sa paglayag.

Ang ministry “will not proactively disclose the activities of friendly allied nations’ aircraft and vessels,” dugang niini sa usa ka pahayag.

Gisubay ug gisundan sa Chinese forces ang Aotearoa sa kataposan kining miagi sa strait niadtong Nobyembre 2025, matod sa usa ka source nga adunay kahibalo sa sitwasyon ngadto sa Reuters.

Atol sa maong paglayag, gibantayan sa Chinese ships ug aircraft ang Aotearoa, samtang nagpahigayon ang Chinese jets og simulated attacks, dugang sa source.

Moagi ang US warships sa strait matag pipila ka bulan, nga kanunay gisaway sa Beijing. Ang pipila ka US allies, sama sa Canada ug Britain, panagsa usab nga moagi niini.

Wala pa isalikway sa China ang paggamit og pwersa aron ipailalom ang Taiwan sa iyang kontrol, ug gipakusog niini ang military activities palibot sa isla sulod sa miaging lima ka tuig, lakip ang pagpahigayon og war games. -Ato ni Bai