Kongreso Gimandoan sa SC nga Magpasa og Anti-Political Dynasty Law

Gimandoan sa Supreme Court (SC) ang Kongreso nga tumanon ang mandatory constitutional duty niini nga maghimo og balaod nga nagdili sa political dynasties “at the earliest opportunity.”

Gipagawas sa high tribunal ang direktiba human kini nagkahiusang mideklarar atol sa session niadtong Agosto 26 nga ang Article II, Section 26 sa Konstitusyon nagkinahanglan sa Kongreso nga magpasa sa anti-political dynasty law, ug nga ang kapakyasan niini sa pagbuhat niini sulod sa 39 ka tuig naglangkob og grave abuse of discretion.

Sa usa ka pahayag niadtong Miyerkules, miingon ang SC nga gi-grant sa en banc ang consolidated petitions for certiorari and mandamus human gikuwestiyon sa mga petitioner ang dugay nang kapakyasan sa Kongreso sa pagpasa og balaod nga maghubit ug magdili sa political dynasties.

Bisan pa nga co-equal branch of government ang Kongreso, miingon ang Korte nga ang kapakyasan niini sa pagpasa sa balaod usa ka talagsaong kaso nga nagkinahanglan og mandamus order aron tumanon ang Konstitusyon.

“The Congress of the Philippines must henceforth and with utmost urgency enact the appropriate anti-political dynasty law at the earliest opportunity,” matod sa tribunal.

Miingon ang SC nga ang Section 26, nga naglatid nga “the State shall guarantee equal access to opportunities for public service, and prohibit political dynasties as may be defined by law,” dili lamang usa ka tinguha kondili usa ka mando sa Konstitusyon.

“The use of the word ‘shall’ makes clear that the State has a mandatory duty both to guarantee equal access to public service and to prohibit political dynasties,” matod sa Korte.

“The phrase ‘as may be defined by law’ does not give Congress the choice whether to prohibit political dynasties. Rather, it gives Congress the authority to define what constitutes a political dynasty and determine the scope of the prohibition,” dugang niini.

Gikonsiderar sa SC ang daghang anti-political dynasty bills nga gisang-at apan wala aksyoni sukad sa pagratipikar sa 1987 Constitution.

Gikonsiderar usab niini ang mga pagtuon bahin sa pagkaylap sa political dynasties ug sa ilang kalambigitan sa socioeconomic conditions sa nasod.

Gipasabot sa SC nga nagpabiling kaylap ang political dynasties ug nakaabot na bisan sa party-list system.

Bisan pa sa mga kausaban sa komposisyon sa Kongreso sa milabay nga mga tuig, wala kini makapasa og comprehensive anti-political dynasty law, nga mahimong nagpakita sa kakulang sa interes, paglikay alang sa kasayon, o pag-alagad sa kaugalingong interes.

Bisan wala magtakda ang Konstitusyon og deadline alang sa Kongreso sa pagpasa sa balaod, mihukom ang SC nga dili kini nagpasabot nga mahimong ipalangan hangtod sa walay tino sa lawmaking body sa nasod, nga gilangkuban sa Senate ug House of Representatives, ang constitutional duty niini. -Ato ni Bai