Kampo ni Senator Legarda wala gisalikway ang posibilidad nga mobalik siya sa majority

Wala gisalikway sa kampo ni Senator Loren Legarda ang posibilidad nga mobalik siya sa Senate majority inigbalik niya sa nasod.

Matod ni Tony La Viña, spokesman ni Legarda, posibleng mobalik ang senador sa majority, ug iyang gipunting ang kanunay nga pagbag-o sa Senate leadership sa bag-ohay nga mga tuig.

“I will not rule that out. In the last four years there have been four Senate presidents. The majority has changed the last four years so I wouldn’t rule that out. It’s apparently a normal thing in the Senate,” matod ni La Viña sa usa ka interview.

Matod usab ni La Viña, posible nga nakigkomunikar gihapon si Legarda sa iyang mga kaubang senador tungod sa dugay na niyang relasyon sa mga miyembro sa chamber.

“I wouldn’t be surprised if she does that. I’m also not surprised if she’s talking to other senators because she’s a good senator, she’s very good with her colleagues, they actually love her, I will say that almost universally,” dugang niya.

Matod ni La Viña, wala niya makita nga direktang konektado ang sitwasyon sa impeachment proceedings. Hinuon, iyang gipunting ang mga alegasyon nga naglambigit sa anak ni Legarda nga si Batangas Rep. Leandro Leviste, kansang renewable energy ventures giimbestigahan sa Ombudsman.

Nagpahigayon ang opisina og preliminary investigation sa plunder ug graft complaints nga naglambigit kang Legarda, Leviste, ug kanhi Energy Secretary Alfonso Cusi.

“I wouldn’t know that, you can also say otherwise that the charges are … but she actually doesn’t think that this has something to do with the impeachment because she knows Senate politics and it’s kinda…it can move any hour, any day,” gipasabot ni La Viña.

“We actually think this is really about Leandro Leviste’s exposé on corruption, that’s the one that upset a lot of people and so that’s just politics,” dugang niya.

Naka-medical leave si Legarda sukad Agosto 3. Bag-ohay lang gipalugway ang iyang leave hangtod Oktubre 9, samtang sumala sa mga report, didto siya sa France alang sa medical treatment.

Ang iyang dugay nga pagkawala usa sa mga hinungdan nga nakaapekto sa pagkalkula sa Senate impeachment court sa voting denominator.

Giimbestigahan sa Ombudsman sila Legarda ug Leviste tungod sa mga alegasyon bahin sa wala makompleto nga solar energy projects nga adunay gibanabanang P10.44 bilyon nga obligations. Parehong nagsumite sila Legarda ug Leviste og counter-affidavits ug gipanghimakak ang mga alegasyon nga nakahimo sila og sayop.

-Ato ni Bai