top of page
Bai (150 x 150 px) (100 x 100 px).png

JBC Nahuman na sa Pag-interbyu sa mga Kandidato sa Chief Justice sa Pilipinas

Nahuman na sa Judicial and Bar Council (JBC) ang publikong panel interviews sa mga kandidato nga mopuli kang Supreme Court (SC) Chief Justice Alexander G. Gesmundo, kinsa moabot sa iyang mandatory retirement sa Nobyembre 6.

Philippine News Agency; Gihubad ni Alex Destor, Ato ni Bai

October 28, 2026 at 8:20:26 AM

Photo shows the Judicial and Bar Council interviewing candidates for the next Supreme Court chief justice.

A screen grab of a photo from the Facebook page of Supreme Courth PH

From the Facebook page of Supreme Court PH

Nahuman na sa Judicial and Bar Council (JBC) ang publikong panel interviews sa mga kandidato nga mopuli kang Supreme Court (SC) Chief Justice Alexander G. Gesmundo, kinsa moabot sa iyang mandatory retirement sa Nobyembre 6.


Giinterbyu sa JBC niadtong Lunes ang ikaduhang grupo sa mga kandidato nga gilangkuban nila Associate Justices Rodil V. Zalameda, Japar B. Dimaampao, ug Midas P. Marquez.


Ang unang grupo nga gilangkuban nila Senior Associate Justice Marvic Leonen ug Associate Justice Benjamin Caguioa giinterbyu niadtong Oktubre 22.


Misaad si Zalameda nga magpatuman og dagkong reporma kon mapili siya isip sunod nga chief justice.


“Implementation of my proposed reforms will proceed in phases. We will start by establishing baselines and priorities, followed by testing and refining reforms. We then expand those that demonstrate results and institutionalize successful initiatives to ensure sustainability,” matod ni Zalameda.


“In the end, the true measure of these reforms will not be the number of projects launched, but the difference they make in the lives of our people,” dugang niya.


Nagtrabaho si Zalameda isip pribadong abogado gikan 1990 hangtod 1995 sa wala pa mobalik sa serbisyo sa gobyerno isip public prosecutor, diin nagserbisyo siya sulod sa 13 ka tuig.


Niadtong 2008, gitudlo siya isip Associate Justice sa Court of Appeals ug 11 ka tuig ang milabay, gitudlo usab siya sa Supreme Court.


Sa iyang bahin, gipasiugda ni Marquez ang iyang tulo ka dekada nga pagserbisyo isip opisyal sa taas nga hukmanan, nga matod niya "learned from the best and the brightest in the Judiciary.”


“I emulated their strengths and addressed their weaknesses," matod niya.


Isip court administrator, gisugdan ni Marquez ang e-warrant ug e-subpoena, gipatuman ang Hague Service Convention, ug nanguna sa pag-establisar sa Office of the Judiciary Marshals pinaagi sa paghangyo sa Kongreso.


Naningkamot usab siya nga masiguro ang seguridad sa mga kawani sa hukmanan ug gisuportahan ang pagtugot sa mga overseas Filipino worker nga makaapil pinaagi sa online sa mga pagdungog sa korte sa Pilipinas.


Si Gesmundo, nga ex officio chairperson sa JBC ug representante sa Judiciary, ang nangulo sa mga panel interview.


Kauban niya ang mga miyembro sa JBC nga sila si Fredderick A. Vida, Secretary of Justice ug JBC ex officio member nga nagrepresentar sa Executive Department; Francis N. Pangilinan, senador ug JBC ex officio member nga nagrepresentar sa Legislative Department; Gerville R. Luistro, kongresista ug JBC ex officio member nga nagrepresentar sa Legislative Department; Jose Catral Mendoza, JBC regular member nga nagrepresentar sa mga retiradong SC Justices; Nesauro H. Firme, JBC regular member nga nagrepresentar sa Academe; Erlinda Piñera Uy, JBC regular member nga nagrepresentar sa Integrated Bar of the Philippines; ug Jose V. Mejia, JBC regular member nga nagrepresentar sa pribadong sektor. -Philippine News Agency; Gihubad ni Alex Destor, Ato ni Bai

bottom of page