Japan prime minister miprotesta sa US human gidakop ang Marine tungod sa pagdudang pagpatay

Miprotesta si Japanese Prime Minister Sanae Takaichi sa United States niadtong Domingo human gidakop ang usa ka US Marine tungod sa pagdudang pagpangawat ug pagpatay sa usa ka Japanese nga babaye sa Okinawa.

Gisuspetsahang gipatay ni Devin Jacob Ballard, 20, si Anna Yagi, 39, sa usa ka hotel sa Naha, ang kapital sa kinahabagatan nga prefecture, niadtong Sabado ug gikuha ang iyang pitaka ug backpack, matod sa kapulisan. Gipanghimakak ni Ballard ang mga alegasyon, matod sa kapulisan.

"The occurrence of such an extremely brutal and vicious incident is extremely regrettable," matod ni Takaichi sa usa ka statement.

"The government of Japan strongly protests to the US side and strongly seeks maximum cooperation with the investigation," ingon man ang pagpalig-on sa disiplina ug hingpit nga mga lakang aron malikayan nga mausab ang susamang insidente, matod niya.

Nagpahayag og pakigduyog ang US embassy ug Marine Corps tungod sa insidente ug miingon nga nakigtambayayong sila sa Japanese authorities.

Matod sa Marines sa usa ka statement, ang suspek, nga naka-assign sa III Marine Expeditionary Force ug nakabase sa Marine Corps Air Station Futenma, anaa sa kustodiya sa Japan.

"The Marine Corps takes these allegations very seriously and expects every Marine to adhere to the highest standards of behavior," matod niini.

Kadaghanan sa 18,000 ka Marines nga nakabase sa Japan gibutang sa Okinawa, nga gikontrolar sa US gikan sa pagtapos sa World War Two hangtod 1972. Ang ilang presensya balik-balik nga nakapukaw og kasuko sa mga residente tungod sa mga isyu sama sa kasaba, aircraft crashes ug pamatasan sa mga personnel.

Ang 1995 rape sa usa ka 12-anyos nga batang babaye sa Okinawa sa tulo ka US servicemen nakapukaw og dagkong protesta.

Ang pagpatay niadtong Sabado mahimong makapalisod sa paningkamot ni Takaichi nga ibalhin ang pipila ka Marines gikan sa busy nga Futenma air base ngadto sa mas hilit nga pasilidad sa Henoko. Gusto sa mga misupak nga ibalhin ang mga tropa gawas sa prefecture.

Ang Okinawa, nga 100 km (60 miles) gikan sa Taiwan sa pinakaduol nga bahin niini, giisip sa Tokyo ug Washington nga importante sa pagpugong sa posibleng military aggression gikan sa China.

-Ato ni Bai