IBP Nagtukod og Legal Aid Desk Alang sa Unang BARMM Elections

Nagdeploy ang Integrated Bar of the Philippines (IBP) og mga boluntaryo aron maghatag og legal assistance ug makigtambayayong sa international election observers nga nagmonitor sa unang Bangsamoro Parliamentary Elections (BPE) sa Bangsamoro Autonomous Region in Muslim Mindanao (BARMM).

Maghatag ang mga boluntaryong abogado og legal assistance sa mga botante ug election stakeholders sa Legal Aid Help Desk nga gitukod sa IBP Lanao del Sur Chapter, sa koordinasyon sa IBP National Center for Legal Aid (NCLA), didto sa Bangsamoro Electoral Office sa Malidegao sulod sa Special Geographic Area sa BARMM.

Gawas sa legal guidance, modawat usab ang desk og mga kabalaka kalabot sa eleksyon ug motabang sa pag-refer niini ngadto sa tukmang ahensya kon gikinahanglan.

Anaa usab sa lugar ang IBP national officers aron makigkoordinar sa mga chapter ug boluntaryo.

Nakigtagbo usab ang mga miyembro sa IBP national leadership sa Turkish election observers isip kabahin sa election-related activities sa organisasyon aron magbinayloay og mga obserbasyon.

Matod sa IBP, ang pakigtambayayong niini sa local ug international stakeholders kabahin sa mga paningkamot niini sa pagsuporta sa malinawon, hapsay, kasaligan ug subay sa balaod nga proseso sa eleksyon sa BARMM.

Lakip sa mga IBP national officials nga mitambong sila National President and 27th Board of Governors Chairman Allan G. Panolong, Executive Vice President and Bicolandia Governor Randall C. Tabayoyong, National Executive Director Patrick M. Velez, ug National Director for Legal Aid Pitero M. Reig. -Ato ni Bai