Gisugyot ni Senador Ping Lacson ang paagi aron makaserbisyo gihapon isip impeachment judges ang mga senador nga naa sa detensyon

Gisugyot ni Senador Panfilo Lacson ang usa ka paagi aron matugotan ang mga senador nga anaa sa detensyon nga mopadayon sa ilang katungdanan isip senator-judges sa impeachment trial ni Bise Presidente Sara Duterte.

Matod ni Lacson, bisan pa man nga pareho ang komposisyon sa Impeachment Court ug sa Senado, posible nga ang detensyon o preventive suspension sa mga senador tungod sa kontrobersiya sa mga flood control projects magamit lamang sa ilang tahas isip mga magbabalaod, tungod kay lahi nga mga entidad ang Senado ug ang Impeachment Court.

“It is worth studying that while the Impeachment Court and Senate have the same composition, and this is subject to interpretation if it comes to that, the two are separate entities and the suspension of senators applies to their legislative functions and not to their duties as Senator Judges (Angay kining tun-an pag-ayo tungod kay bisan pareho ang komposisyon sa Impeachment Court ug Senado, ug mahimo pa kining hubaron sa lain-laing paagi kung moabot sa ingon nga sitwasyon, lahi gihapon silang mga entidad ug ang suspensyon sa mga senador mahimong magamit lamang sa ilang lehislatibong mga katungdanan ug dili sa ilang tahas isip Senator Judges),” matod niya sa usa ka interbyu sa radyo.

Gipahayag usab ni Lacson ang iyang kabalaka nga kung pananglitan siyam ka senador ang ma-preventive suspension may kalabotan sa giimbestigahang flood control scandal—sumala sa gilauman niyang mahimong aksyon sa Ombudsman—posibleng dili igo ang bilang sa mga magbobotar aron makab-ot ang klarong desisyon sa impeachment trial, tungod kay gikinahanglan ang labing menos 16 ka boto aron adunay conviction.

“What if nine senators are detained and 15 are left in the Impeachment Court? How will there be a clear decision to convict or acquit? Does it mean automatic acquittal because only 15 are available to vote? To me it should not, (Kung siyam ka senador ang ma-detine ug 15 na lang ang mabilin sa Impeachment Court, unsaon man pagkab-ot sa usa ka klarong desisyon sa pagpahamtang og silot o pagpawalay sala? Pasabot ba niini nga awtomatikong maabswelto tungod kay 15 na lang ang mahimong mobotar? Para nako, dili unta),” matod niya.

Midugang pa siya:

“If they are preventively suspended, we will respect the decision of the courts. But maybe we can make a motion for the purpose of the impeachment trial to stay their suspension, or interpret their suspension to apply only to their legislative functions as senators, but not to their duties as senator judges. Otherwise it's going to be a crisis. There might as well be no impeachment trial because there would be a foregone conclusion due to only 15 senator judges available (Kung ma-preventive suspension sila, atong respetuhon ang desisyon sa korte. Apan basin mahimo kitang mosumite og mosyon aron alang sa impeachment trial, mapahunong una ang ilang suspensyon, o hubaron kini nga magamit lamang sa ilang tahas isip mga senador ug dili sa ilang papel isip senator judges. Kay kung dili, mahimong adunay krisis. Basin wala nay kapuslanan ang impeachment trial tungod kay daan nang klaro ang resulta kon 15 ra ka senator judges ang magpabilin),” dugang niya.

Matod pa ni Lacson, kon tugotan sa korte, ang mga senador nga anaa sa detensyon mahimong makatambong sa impeachment trial ubos sa pagbantay sa mga kawani sa Bureau of Jail Management and Penology (BJMP).

Miingon siya nga ang mahimong dili kasagaran nga talan-awon mao ang hulagway sa mga senador nga “senator judges by day and detainees by night (senator judges sa adlaw ug mga detainee sa gabii)” tungod kay magsul-ob sila sa ilang senator-judge robes panahon sa pagdungog, apan mobalik sa ilang uniporme isip Persons Deprived of Liberty (PDL) human sa sesyon sa maong adlaw.

Usa pa ka kapilian, sumala niya, mao ang paglangan sa impeachment trial hangtod matapos ang 90 ka adlaw nga preventive suspension.

“It is good for legal eagles to discuss this early, to prepare for such a scenario (Maayo nga sayo pa lang hisgutan na kini sa mga eksperto sa balaod aron maandam ang tanan kon moabot man ang maong sitwasyon),” matod ni Lacson.

Samtang, gisalikway usab ni Lacson ang pahayag ni Senador Alan Peter Cayetano nga posible umanong ipaubos sa mayorya ngadto sa 12 ang gikinahanglang boto alang sa conviction o acquittal ni Bise Presidente Sara Duterte.

Matod ni Lacson, alang kaniya, kinahanglan sundon ang probisyon sa Konstitusyon nga nagkinahanglan og duha ka ikatulo (2/3) sa tanang miyembro sa Senado o 16 ka boto sa senator judges aron adunay conviction.

“I can only speak for myself and I think some of my colleagues in the majority bloc, that we must stick to the Constitution first and foremost. 16 votes or 2/3 of 24 will be needed to convict. You cannot subtract from that (Ako ra ang akong masulti ug tingali pareho usab sa pipila nakong kauban sa mayorya nga kinahanglan una natong sundon ang Konstitusyon. Kinahanglan ang 16 ka boto o 2/3 sa 24 ka miyembro aron adunay conviction. Dili kana mahimong pakunhoran),” matod niya.

-Ato ni Bai