Gatchalian Nanawagan og Mas Hugot nga Lagda sa Pusil Human sa School Shootings

Nanawagan si Senate President Sherwin Gatchalian niadtong Miyerkules nga repasuhon ang mga lagda sa pag-isyu ug pagtipig sa mga pusil sa government personnel human ang tulo ka school shootings naglakip og mga pusil nga gipanag-iya sa mga empleyado sa gobyerno o law-enforcement officers.

Sa usa ka privilege speech, matod ni Gatchalian nga ang shooting sa Banga National High School sa South Cotabato kinahanglan mag-aghat sa mga awtoridad nga susihon kung giunsa pagtipig ang government-issued o pribadong gipanag-iya nga mga pusil sa public personnel aron dili kini maabot sa mga bata.

“We must keep the guns away from our children. In all three incidents, the firearms were owned by either government employees or officers serving in law enforcement,” matod ni Gatchalian.

Matod niya, kinahanglan repasuhon ang mga lagda sa luwas nga pagtipig sa mga pusil aron mapugngan nga kini maabot sa mga tawo nga walay pagbansay sa paggamit niini.

Duha ka estudyante ang namatay ug walo ang nasamdan sa insidente sa Banga.

Namatay usab tungod sa self-inflicted gunshot wound ang estudyante nga giila sa kapulisan nga gunman, sumala sa pagsaysay ni Gatchalian sa insidente.

Matod ni Gatchalian, gitino pa sa mga awtoridad kung giunsa pagkuha sa estudyante ang pusil, nga matod niya gipanag-iya sa iyang amahan, usa ka empleyado sa Department of Education, ug gi-report nga gitipigan sulod sa usa ka vault.

Gipasabot niya nga ang Banga shooting mao ang ikatulong school shooting sukad Hunyo, human sa mga insidente sa San Jose National High School ug Ateneo de Zamboanga.

Gawas sa pagkontrol sa mga pusil, matod ni Gatchalian nga gikinahanglan sa mga eskwelahan ang mas lig-on nga mental health programs nga nakatutok sa sayong pag-ila, intervention ug professional support.

Nagpasidaan siya batok sa paghatag og stigma sa mga tawo nga adunay mental health struggles, ug miingon nga dili kini angay awtomatikong iugnay sa kapintasan.

“Our objective must be early detection, intervention, and support, so that qualified professional help reaches a distressed child, and that credible threats are assessed properly before anyone is harmed,” matod niya.

Gisubli usab ni Gatchalian ang iyang suporta sa Comprehensive School Safety Act ug Child Online Safety Protection Act, ug miingon nga ang pagtubag sa kapintasan sa mga eskwelahan kinahanglan motutok sa mga hinungdan niini imbis nga mosalig lamang sa tagsa-tagsa nga mga lakang.

Giawhag usab niya ang publiko nga dili ipakaylap ang mga video o wala pa makumpirmang impormasyon bahin sa South Cotabato shooting samtang nagpadayon ang imbestigasyon, ug nanawagan sa Meta nga pugngan ang pagkaylap sa footage sa insidente sa social media.

-Ato ni Bai