%20(100%20x%20100%20px).png)
Extradition ni Apollo Quiboloy ngadto sa US anaa na sa final stages
Anaa na sa final stages sa legal scrubbing ang extradition request sa United States alang kang religious leader Apollo C. Quiboloy, matod sa Department of Justice (DOJ) niadtong Huwebes.
Ato ni Bai
October 3, 2026 at 10:09:05 AM
FILE PHOTO: Giubanan si religious leader Apollo Quiboloy ni Senate Sergeant-at-Arms Ret. Gen. Roberto Ancan ug mga personnel sa Philippine National Police (PNP) sa iyang pag-abot sa Senado aron motambong sa inquiry sa Committee on Women, Children, Family Relations and Gender Equality bahin sa mga alegasyon sa trafficking ug abuse sulod sa Kingdom of Jesus Christ (KOJC) niadtong Miyerkules, Oktubre 23, 2024. (Screen grab sa hulagway gikan sa Facebook page sa PNA)
Joseph Vidal, OSP / Voltaire Domingo, Senate Social Media Unit
MANILA – Anaa na sa final stages sa legal scrubbing ang extradition request sa United States alang kang religious leader Apollo C. Quiboloy, matod sa Department of Justice (DOJ) niadtong Huwebes.
"We're in the final stages already of the vetting. Nagli-legal scrubbing na lang kami (We are just conducting legal scrubbing),” matod ni Justice Secretary Fredderick Vida atol sa press briefing.
Matod niya, daghang mga butang ang kinahanglan ikonsiderar, apan isumite ang petition sulod karong tuiga. “Of course, the Philippines would comply with its obligations under its extradition treaty with the United States. And of course, we are now governed by the Supreme Court rules on extradition,” matod niya.
Detained si Quiboloy sa usa ka jail sa Pasig City tungod sa qualified human trafficking ug child abuse charges. Niadtong 2021, gi-indict sa US si Quiboloy sa nagkalainlaing charges, lakip ang sex trafficking of minors, fraud, ug bulk cash smuggling.
Niadtong Agosto, pormal nga gihangyo sa US ang extradition ni Quiboloy kalabot sa mga criminal case nga pending batok kaniya sa California.
Sundon sa proceedings ang 1994 Philippines-US Extradition Treaty ug ang updated rules sa Supreme Court (SC) bahin sa extradition, diin mahimong pilion sa gobyerno sa Pilipinas nga unahon ang local court proceedings ug prosecution o atimanon ang maong butang pinaagi sa provisions alang sa temporary surrender.
Niadtong 2025, giaprobahan sa high tribunal ang guidelines sa pagdumala sa international extradition requests, provisional arrests, hold departure orders, bail, ug appeals.
Matod sa SC, ang rules sui generis (in a class by itself) ug summary in nature ug dili kini magdeterminar kon guilty o innocent ang usa ka tawo, kondili susihon niini kon nasunod ang domestic laws ug applicable treaties.
Ubos sa rules, anaa sa Secretary of Justice o designated state counsels ang central authority, nga maoy motimbang-timbang ug mosumite sa verified petition ngadto sa trial court.
Mahimong mag-isyu ang korte, sa kaugalingon niini, og warrant of arrest alang sa extradition human sa judicial determination of probable cause. Kinahanglan magpagawas og judgment sulod sa 30 calendar days gikan sa katapusang saksi o pleading.
Mahimong iapelar ang kaso ngadto sa Court of Appeals (CA), nga kinahanglan modesisyon niini sulod sa tulo ka bulan. Final ug immediately executory ang desisyon sa CA.
-Ato ni Bai