Dutch Royal Family Nalambigit sa Kolonyal nga Pagpahimulos ug Pagkaulipon — Pagtuon

Nakabenepisyo ang Dutch royal family sa kolonyal nga mga polisiya sa Netherlands sa nangaging mga siglo ug nakatabang sa pagpadayon sa patigayon sa mga ulipon, sumala sa lawom nga pagtuon sa kasaysayan nga gisugo ni King Willem-Alexander ug gipagawas niadtong Biyernes.

“The involvement of the House of Orange-Nassau was wholehearted and without any real reservations,” matod sa mga tigdukiduki human sa tulo ka tuig nga pagtuon nga gihimo sa mga Dutch historian ug eksperto sa katungod sa tawo bahin sa panahon gikan 1600 hangtod karon.

“The research leaves us in no doubt that the House of Orange shares responsibility for the survival over the centuries of the Dutch slave trade and slavery,” matod sa pagtuon, nga nag-ingon nga kadaghanan sa mga nagmando walay pagsupak sa pagkaulipon.

Nagmando ang House of Orange sa Netherlands sukad sa ulahing bahin sa ika-16 nga siglo, una isip gitawag nga “stadtholders” nga nangulo sa republika, ug sa ulahi isip harianong pamilya sa dihang nahimong monarkiya ang Netherlands.

Sa kadaghanan niini nga panahon, nagmando ang mga Dutch sa dagkong mga kolonya sa Southeast Asia ug Caribbean, lakip ang gitawag karon nga Indonesia ug Suriname.

“We know the effects of colonialism and slavery are still being felt today. Discrimination and economic exploitation unfortunately happen every day,” matod ni King Willem-Alexander sa iyang pakigpulong atol sa pagpresentar sa pagtuon.

NANGAYO OG PASAYLO APAN WALAY KOMPENSASYON

Posibleng makapukaw pag-usab ang mga resulta sa panaghisgot bahin sa kompensasyon sa Netherlands. Niadtong 2022, giila sa Dutch government nga adunay responsibilidad ang Dutch state sa transatlantic slavery ug nangayo kini og pasaylo. Nangayo usab og pasaylo si King Willem-Alexander alang sa pagkaulipon niadtong 2023.

Gisalikway niadtong panahona sa gobyerno ang paghatag og kompensasyon ug naghimo hinuon og €200 million ($238 million) nga pondo alang sa mga kalihokan sa katilingban, nga giingon sa mga tigkampanya batok sa rasismo nga dili igo.

Gidayeg sa National Institute for the Dutch Slavery Past and Heritage (NiNsee) ang hari sa pagsugo sa pagtuon, apan miingon nga kinahanglan adunay sunod nga lakang.

“Research impacts society when the new insights into the past contribute to awareness, dialogue, corrections and additions to our national history in the school curriculum and the conversation about responsibility and reparatory justice,” matod ni NiNsee director Bianca Groen Gallant.

GANANSYA SA KWARTA

Dako ang papel sa mga Dutch sa patigayon sa mga ulipon sa tibuok kalibotan gikan sa ika-17 nga siglo hangtod giwagtang sa Netherlands ang pagkaulipon sa ikaduhang bahin sa ika-19 nga siglo.

Nagpadagan ang Dutch West India Company og mga barko nga gibanabana nga nagdala sa mga 600,000 ka tawo ngadto sa pagkaulipon, sumala sa datos sa Dutch state.

Pinaagi sa kapintasan, gipugos ang mga giulipon nga magtrabaho ubos sa mapintas ug dili makatawhanong kahimtang sa mga plantasyon sa mga kolonya sa Dutch sa gawas sa nasod.

Gipakita sa pagtuon nga adunay mga panahon nga dako ang ganansya sa harianong pamilya gikan sa kolonyal nga sistema, ilabina sa patigayon sa Dutch East Indies, nga mao na karon ang Indonesia.

Sa ika-19 nga siglo, pananglitan, miabot sa mga $650 million sa kantidad karon ang natigom nga ganansya, matod sa mga tigdukiduki.

Sa laing bahin, “almost nothing” ang kinitaan sa pamilya gikan sa patigayon sa mga ulipon, sumala sa pagtuon. -Ato ni Bai