Blue Ribbon Committee Itugyan sa Ombudsman ang Imbestigasyon sa Flood Control — Senator Erwin Tulfo

Pormal nga itugyan sa Senate Blue Ribbon Committee ngadto sa Office of the Ombudsman ang imbestigasyon niini sa giingong mga anomalya sa flood control projects, matod sa chairman niini nga si Senator Erwin Tulfo.

Miingon si Tulfo nga nakigtagbo si Ombudsman Boying Remulla kaniya ug kang Senate President Sherwin Gatchalian niadtong Biyernes, August 7, alang sa iyang gihulagway nga coordination meeting bahin sa mga kaso nga mahimong tutokan sa duha ka opisina.

“Initially, napag-usapan namin ni Ombudsman na everything that has to do with flood control sila na maghahawak kasi ang dami na rin ongoing,” matod ni Tulfo.

“So, kung baka pakialaman pa namin, mapurnada pa and we don’t want to do that. So what he was saying, ‘kami nang bahala,’ maybe you can start looking for ika nga other mga cases pag may mga dinala sa amin sa Senate,” dugang niya.

Sa dihang gipangutana kung si Remulla ba mismo ang mihangyo nga ang Ombudsman maoy mopadayon sa imbestigasyon, miingon si Tulfo, “That is what he said, gusto niya kung pwede para hindi na baka bumangga pa dun sa investigation nila. Kasi ganun din naman. Diba mag-i-investigate ka, if you’re a fact-finding guy, you’re investigating also.”

Miingon si Tulfo nga makigtagbo siya sa mga miyembro sa Blue Ribbon Committee aron mapadali ang pagtugyan ngadto sa Ombudsman sa mga dokumento nga may kalabotan sa flood control investigation.

Miingon usab ang senador nga dili siya manghilabot sa laing imbestigasyon nga gipadayon ni Senator Panfilo “Ping” Lacson bahin sa giingong korapsyon nga may kalabotan sa public works projects sa Taguig, tungod kay mahimo kining dumalahon sa opisina ni Remulla.

“So napag-usapan din namin ni Senator Ping, sabi niya para mas mabilis. So hindi ko na papakialaman. Ayaw ko naman ika nga pakialaman yung gusto niya. Nakakahiya naman po ‘yun,” matod niya.

Tungod kay itugyan na ang flood control probe, miingon si Tulfo nga nangandam ang Blue Ribbon Committee sa pag-imbestigar sa laing isyu.

Wala niya hinganli ang hilisgutan sa umaabot nga imbestigasyon tungod kay nagpadayon pa ang komite sa pagtigom og impormasyon, apan iyang gipahibalo nga naglakip kini sa usa ka taas nga opisyal ug usa ka isyu nga gikabalak-an sa publiko.

“We’re still gathering information. Don’t want to make any comment. Ayoko na pangunahan, pero definitely. Ginagamit po natin lahat everyday,” matod niya.

-Ato ni Bai