BFP slots giingong gibaligya hangtod ₱800,000

Gibutyag ni Sen. Erwin Tulfo ang alegadong “slot-for-sale” scheme sa recruitment sa Bureau of Fire Protection (BFP), diin gikatahong gipabayad ang mga aplikante og ₱100,000 hangtod ₱800,000 baylo sa posisyon, tabang sa recruitment process, o kasiguruhan nga madawat sa ahensya.

Sa iyang privilege speech atol sa plenary session niadtong Lunes, Setyembre 7, 2026, gihulagway ni Tulfo ang alegadong kalihokan isip seryosong isyu sa korapsyon. Gipasiugda niya nga ang mga posisyon sa gobyerno kinahanglan ihatag base sa abilidad, kwalipikasyon, ug integridad, dili pinaagi sa kuwarta o koneksyon.

“There have been reported allegations of a slot-for-sale scheme in the BFP recruitment process. Applicants are allegedly being asked for substantial amounts of money ranging from P100,000 to P800,000 in exchange for a slot, assistance in the recruitment process, or an assurance of appointment. If applicants are allegedly being asked to pay in exchange for a slot in the BFP, this is no longer simply a recruitment problem. This is a serious allegation of corruption,” matod ni Tulfo.

Gipahimangnoan usab niya ang mga aplikante nga mobayad og dakong kantidad aron makakuha og posisyon sa gobyerno, tungod kay mahimo nilang isipon ang ilang trabaho nga puhunan nga kinahanglan mabawi.

“Even those who are willing to pay P100,000 to P800,000 just to get into the organization should think about how they would eventually recover the money they allegedly paid as a bribe once they are hired. A government position is not a business. It cannot be bought, and it should not be obtained through money or connections,” dugang niya.

Gikuwestiyon usab ni Tulfo ang alegadong polisiya sa BFP nga mohatag og katumbas nga 75% rating sa mga registered criminologist kon gamiton nila ang ilang exemption gikan sa qualifying examination sa ahensya.

Ubos sa Republic Act No. 11131, o Philippine Criminology Profession Act of 2018, exempted ang mga registered criminologist sa dugang qualifying o entrance examinations alang sa mga posisyon sa BFP ug hatagan sila og prayoridad sa appointment.

Apan matod ni Tulfo, walay klarong probisyon sa balaod nga nag-ingon nga ang mga criminologist nga mogamit sa maong exemption awtomatikong hatagan og 75% rating alang sa recruitment ranking.

Gikuwestiyon sa senador ang legal nga basehan sa maong polisiya, ilabi na kay ang mga aplikanteng mokuha sa digital qualifying examination sa BFP mahimong makakuha og labaw sa 75% bisan dili sila licensed criminologist.

Nanawagan si Tulfo sa BFP nga klarohon kon unsaon pag-angay sa 75% equivalent rating sa RA 11131 ug siguruhon nga ang recruitment rules niini dili makapahigayon og disbentaha sa mga registered criminologist bisan exempted sila sa qualifying examination. -Ato ni Bai