Wildfires sa Turkey usa patay samtang padayon ang pag-apula sa sunog

Namatay ang usa ka tawo human giatake sa kasingkasing atol sa wildfire sa Antalya province sa habagatang Turkey, samtang naningkamot ang mga awtoridad sa pagkontrol sa pipila ka sunog nga miulbo sa rehiyon karong semanaha.

Miingon si Aksu district mayor Isa Yildirim sa usa ka post sa X nga naapektuhan sa aso gikan sa sunog ang residente sa wala pa kini namatay.

Gipahibalo sa forest authority sa Turkey nga kadaghanan sa wildfires sa Kumluca district sa Antalya ug Bozyazi district sa Mersin kontrolado na, apan nagpadayon ang operasyon aron hingpit nga mapalong ang mga sunog.

Padayon usab nga giapula sa mga bombero ang laing wildfires sa Aksu district sa Antalya ug Kozan district sa Adana pinaagi sa pagbugsay og tubig gikan sa kahanginan ug sa yuta.

Makita sa mga video ang kalayo nga mikaylap sa kalasangan ug baga nga aso nga misaka sa kahanginan samtang gigamit ang mga helicopter, eroplano, ug fire truck aron makontrol ang sunog.

Mitabang usab ang mga residente sa pag-apula sa sunog, diin gigamit sa mga mag-uuma ang ilang mga tractor ug water tanker sa paghatod og tubig ngadto sa mga apektadong lugar, sumala sa broadcaster nga NTV. -Ato ni Bai