Wildfires sa Indonesia mipadoble sa respiratory infections sulod sa kapin usa ka semana

Misobra sa doble sulod lang sa kapin usa ka semana ang respiratory infections tungod sa peligrosong polusyon gikan sa wildfires sa Indonesia, sumala sa datos sa health ministry sa nasud niadtong Huwebes.

Nagpadayon ang mga sunog sa halapad nga bahin sa kalasangan ug peatland sa tibuok kapupud-an sa Indonesia, nga maoy hinungdan sa pagsaka sa peligrosong emissions, ilabina sa mga probinsya nga grabeng naapektuhan sa mga isla sa Sumatra ug Borneo.

Pinakagrabe sulod sa 11 ka tuig ang wildfire season karong tuiga tungod sa “super-El Niño” weather conditions nga nagpataas sa temperatura ug nagpahinabo og grabeng hulaw. Ang emissions gikan sa mga sunog sa nasud karon mikabat na sa ikatulo nga bahin sa kinatibuk-ang emissions gikan sa sunog sa tibuok kalibotan.

Misaka ngadto sa 113,336 ang gidaghanon sa mga tawo nga adunay respiratory illnesses nga may kalabotan sa wildfires niadtong Setyembre 9, gikan sa 50,891 niadtong Setyembre 1, sumala sa datos nga gipresentar ni health ministry spokesperson Widyawati atol sa press conference.

Kapin sa 12.5 milyon ka tawo ang na-expose sa haze nga dala sa mga sunog sa pito ka probinsya, matod ni Widyawati, nga usa lamang ka ngalan ang gigamit.

Gipadala ang dul-an sa usa ka milyon ka mask ug gatosan ka oxygen concentrator units aron tabangan ang mga residente batok sa polusyon, samtang liboan ka medical workers ang gipadala sa mga apektadong lugar, matod niya.

“The process of deploying additional medical personnel and various supplies is ongoing. We will continue to monitor which areas require more healthcare workers and dispatch them there.”

Nakatala usab ang Singapore ug Malaysia og dili maayong kalidad sa hangin tungod sa haze nga mitabok sa mga utlanan.

Aron tabangan ang Indonesia sa pagpakigbatok sa mga sunog, nagpadala ang Japan og tulo ka CH-47 Chinook helicopters nga nagsugod og trial flights niadtong Huwebes, matod ni Berton Panjaitan, spokesperson sa disaster mitigation agency sa Indonesia.

Matod niya, tabangan sa mga helicopter ang water bombing operations sa Indonesian military sugod Biyernes o Sabado sa West Kalimantan sa Borneo.

Mitanyag usab og tabang ang Malaysia, nga adunay utlanan sa yuta uban sa Indonesia sa Borneo, pinaagi sa aerial firefighting capabilities niini, sumala sa sulat sa environment minister sa Malaysia ngadto sa iyang Indonesian counterpart.

Matod ni Panjaitan, nagpahigayon ang Jakarta og koordinasyon tali sa mga ahensya aron hisgutan ang tanyag sa Malaysia.

Gikan Enero hangtod Hulyo karong tuiga, mokabat sa 202,000 ka ektarya (dul-an sa 500,000 acres) nga yuta ang nasunog, sumala sa datos sa gobyerno. Gibanabana sa environmental group nga YKAN nga dugang 600,000 ka ektarya ang nadaot sa sunog niadtong Agosto. -Ato ni Bai