Walay Pilipinong Nasamdan sa Riyadh Human sa Houthi Attacks—DMW

Walay Pilipinong nasamdan sa Riyadh, Saudi Arabia, human sa drone ug ballistic missile attacks nga gilunsad sa Houthi militants niadtong Sabado ug Biyernes, matod sa Department of Migrant Workers.

“The Department of Migrant Workers (DMW) is closely monitoring the situation of Filipinos in Saudi Arabia through the Migrant Workers Offices (MWOs) in the Kingdom of Saudi Arabia, in close coordination with the Philippine Embassy and Consulate,” matod sa DMW sa usa ka news release niadtong Lunes.

“The Embassy and Consulate are ready to assist overseas Filipino workers (OFWs) who may need help,” dugang niini.

Miingon si Houthi military spokesman Yahya Saree niadtong Sabado nga nagpahigayon ang grupo og military operations nga “targeted sensitive sites in the Saudi capital, Riyadh, and the second targeted Aramco facilities in Yanbu”, isip balos sa bag-ong mga pag-atake sa Yemeni capital nga Sanaa.

Samtang, miingon si Maj. Gen. Turki Al-Malkithe, official spokesperson sa Coalition to Restore Legitimacy in Yemen, sa usa ka pahayag nga “the Royal Saudi Air Defense Forces successfully intercepted and destroyed a ballistic missile launched by the Terrorist Houthi Militia toward the city of Riyadh at dawn on Saturday, September 19, 2026.”

Gitambagan sa DMW ang mga Pilipino sa Kingdom nga magpabiling alerto ug sundon ang safety instructions ug advisories nga gipagawas sa Saudi authorities.

Ang mga OFW ug ilang pamilya nga nanginahanglan og hinanaling tabang mahimong mokontak sa Migrant Workers Offices sa DMW sa Saudi Arabia o sa hotline nga 1348 alang sa anaa sa Metro Manila, 02 1348 alang sa anaa sa gawas sa Metro Manila, ug +632 1348 alang sa anaa sa overseas.

Ang mga OFW sa Saudi Arabia mahimo usab mokontak kang MWO Riyadh Labor Attaché Dominador Salanga sa +966502850944, MWO Jeddah Labor Attaché Fidel Macauyag sa +96569819720, o MWO Alkhobar Labor Attaché Sulaiman Mutya sa +966562329926.

“The DMW will continue to monitor developments and issue updates as information becomes available. OFWs requiring immediate assistance are advised to contact the appropriate MWO or the DMW hotlines listed above,” matod sa ahensya. -Ato ni Bai