Voting Hours sa Al-Barka Gidugangan og Duha ka Oras — Comelec

Gidugangan sa Commission on Elections (Comelec) og duha ka oras ang voting period sa unang parliamentary elections sa Bangsamoro Autonomous Region in Muslim Mindanao (BARMM) sa lungsod sa Al-Barka sa Basilan tungod sa insidente nga naglambigit sa Moro Islamic Liberation Front ug ubang partisan groups.

Matod ni Comelec chairperson George Erwin Garcia, giaprobahan sa poll body en banc ang pagpalugway sa pagboto sa lungsod hangtod alas-9 sa gabii gikan sa orihinal nga deadline nga alas-7 sa gabii.

“The reason for this is that tensions arose involving certain groups of MILF fighters and commanders, as well as other partisan groups; consequently, our teachers were unable to immediately enter the area and secure the necessary materials, particularly the ballots,” matod sa poll body chief sa usa ka press conference.

Sa laing bahin, gitaho ni Garcia nga padulong na sa lungsod ang gi-reprint nga mga balota alang sa lungsod sa Maluso, nga naa usab sa Basilan, human kini giimprinta sa National Printing Office sa Quezon City.

Gitaho nga 16,563 ka official ballots gikan sa 36 ka polling precincts ang pre-shaded, hinungdan nga gi-reprint kini sa Commission.

Proclamation

Gitugotan lamang ang mga mananaog sa eleksyon nga magdala og upat ka kauban atol sa proclamation.

“Relative to the September 14, 2026 Bangsamoro Autonomous Region in Muslim Mindanao (BARMM) Parliamentary Elections (BPE), candidates who will be proclaimed as winners in the said elections are allowed to bring four (4) companions during the proclamation at the 6th Infantry Division (6ID), Camp Siongco in Barangay Awang, Datu Odin Sinsuat, Maguindanao del Norte,” matod ni Commissioner Aimee Ferolino, chairperson sa Gun Ban and Security Concerns Committee.

Sa samang higayon, gihangyo sa poll body official ang mga kandidato nga isumite ang listahan sa kompletong ngalan sa ilang mga bisita/kauban; plate numbers sa mga sakyanan nga gamiton; ug ngalan sa driver sa matag sakyanan ngadto sa Bangsamoro Electoral Office pinaagi sa electronic mail (email) address niini nga redo_barmm@comelec.gov.ph, ug hatagan og kopya ang Gun Ban and Security Concerns Committee (GS) pinaagi sa gunban@comelec.gov.ph:

“Bringing of firearm/s into the proclamation venue is strictly prohibited. Should any firearm/s be brought to the venue, it shall be deposited in accordance with the applicable security protocols,” matod niya.

Generally peaceful

Gidugang ni Garcia nga kasagarang malinawon ang eleksyon niadtong Lunes, bisan adunay gitahong mga insidente sa pagbuto ug pagpamusil nga nakapatay og upat ka tawo sa Cotabato City.

Gipahayag usab niya ang kasubo sa pagkamatay sa mga biktima.

“At present, we can say that our elections are generally peaceful. However, unfortunate incidents did occur—especially here in Cotabato City. We are saddened by this. We condemn such incidents, particularly those that resulted in the deaths of our fellow citizens,” matod sa poll body chief.

Una nang gibutang sa Commission ubos sa iyang kontrol ang Cotabato City ug Maluso tungod sa maong mga insidente.

Voter turnout

Nagtuo si Garcia nga mahimo gihapon nilang makab-ot ang 80 percent voter turnout.

“I believe that we can indeed achieve the very high voter turnout I mentioned. Despite the scorching heat, there are long lines of our fellow citizens. Even in areas where disturbances occurred, the lines of those wishing to vote remain long,” matod niya.

“I believe the people of Bangsamoro have shown that they are not afraid—whether there is gunfire, unrest, or even fistfights. It doesn’t really matter; they will vote. We are grateful to them for the trust they have placed in the Comelec,” dugang ni Garcia.

Adunay total nga 2,393,202 ka registered voters ang BARMM. -Ato ni Bai