Usa Patay, Lima Nasamdan sa Pagpamusil sa Switzerland

Namatay ang usa ka tawo ug nasamdan ang labing menos lima, diin ang pipila kanila grabe ang kahimtang, sa pagpamusil sa northern Switzerland, matod sa local police niadtong Domingo.

Miingon ang Cantonal Police sa Aargau nga nagpadayon ang pagpangita sa suspek ug nanawagan sila sa publiko nga ihatag ang bisan unsang video o hulagway sa insidente, nga matod sa tabloid nga Blick nahitabo sa usa ka rave party sa hippodrome.

Narekord sa usa ka video sa website niini ang sunod-sunod nga pagpamusil. Gisirhan sa kapulisan ang dagkong bahin sa Aarau, ug isip pag-amping, gidugangan usab niini ang presensya sa mga pulis sa gawas sa lungsod.

Usa ang Switzerland sa mga nasod sa Europe nga adunay labing taas nga gidaghanon sa mga tawo nga nanag-iya og armas, apan talagsa ra ang mapintas nga pagpamusil didto. Giaprobahan usab sa nasod ang mas hugot nga mga lagda sa pagkontrol sa armas niadtong 2019. -Ato ni Bai